Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per il svilup dal territori dal Grischun (UST) concepescha il futur da noss spazi da viver alpin unic. Cun var 35 collavuraturas e collavuraturs motivads ans engaschain nus per nizzegiar cun responsabladad il terren sco resursa stgarsa e per accordar en moda equilibrada ils interess multifars envers noss spazi da viver. Nossas incumbensas cumpiglian la realisaziun da las prescripziuns da la Regenza ord vista da l'organisaziun dal territori, l'accumpagnament da las planisaziuns localas e regiunalas u l'examinaziun da las dumondas da construcziun ordaifer la zona da construcziun. En il center stattan adina la transparenza, la cumpetenza professiunala e la protecziun da nossa basa da viver natirala.
Per l'avust 2026 u tenor cunvegna tschertgain nus per la partiziun Planisaziun directiva e basas ina manadra u in manader da partiziun
Voss champ d'incumbensas
- Vus manais la partiziun Planisaziun directiva e basas, dirigis l'andament dals affars e sviluppais vinavant il team da trais persunas, tant professiunalmain sco organisatoricamain.
- Vus collavurais sco commembra u commember da la direcziun a l'orientaziun strategica da l'uffizi e procurais che las prescripziuns dal dretg federal en il sectur da la planisaziun directiva vegnian realisadas adequat a l'instanza.
- Vus coordinais e manais il process dal plan directiv en stretga collavuraziun cun ils posts da servetsch chantunals, las regiuns, las vischnancas ed autras gruppas d'interess.
- Vus procurais per il progress dal svilup territorial regiunal e manais u collavurais en projects, en gremis spezialisads ed en gruppas da lavur.
Quai che nus giavischain da Vus
- In diplom da bachelor u master (u in diplom equivalent), en il cas ideal en planisaziun dal territori u en geografia, cumbinà cun plirs onns experientscha professiunala
- In pensar strategic, analitic ed orientà a soluziuns sco er experientscha en il management da projects
- Abilitad da supportar squitsch e capacitad da persvader en il contact cun pretensiuns specificas cumplexas e politicas
- Fitg bunas abilitads communicativas sco er plaschair dal dialog cun differentas gruppas d'interess
Nus ans legrain da Vossa annunzia online e da far Vossa enconuschientscha.