Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun da taglia è cumpetenta per incassar las taglias directas en il chantun Grischun. En quest connex surpiglia la partiziun Servetschs administrativs incumbensas administrativas en differents secturs per ca. 180 collavuraturas e collavuraturs.
Per l' Administraziun da taglia, partiziun Servetschs administrativs, tschertgain nus per il 1. d'avrigl 2026 u tenor cunvegna in'emploiada u in emploià d'administraziun per il biro da posta.
Voss champ d'incumbensas
- Mintgamai la gievgia (durant l'entir di) faschais Vus la spediziun emnila als uffizis communals da taglia.
- Supplementarmain liquidais Vus – tut tenor la lavur – ulteriuras incumbensas.
- Durant las absenzas pervia da vacanzas u da malsogna surpigliais Vus a 100 % la substituziun da l'emploià d'administraziun dal biro da posta e procurais ch'il servetsch da posta funcziunia senza disturbis.
Quai che nus giavischain da Vus
- Fitg gronda flexibilitad sco er moda da lavurar independenta e fidada
- Demananza curtaschaivla ed abilitad da lavurar en in team
- Premess vegn ina buna expressiun a bucca ed en scrit en tudestg Enconuschientschas dal talian èn d'avantatg
- Discreziun absoluta en connex cun actas confidenzialas
Nus ans legrain da Vossa annunzia online e da far Vossa enconuschientscha.