Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la furmaziun professiunala (UCFP) è in post da servetsch dal Departament d'educaziun, cultura e protecziun da l'ambient (DECA) e realisescha las incumbensas da la politica da furmaziun da la Confederaziun e dal chantun concernent la furmaziun professiunala da basa. Plinavant è l'uffizi il post da cumpetenza en dumondas da la tscherna da professiun, da scola e da studi sco er l'instanza che accumpogna durant l'entira carriera professiunala.
La partiziun Cussegliaziun da professiun, da studi e da carriera (CPSC) cusseglia ed infurmescha persunalmain, independentamain e gratuitamain giuvenils e persunas creschidas en dumondas concernent la professiun, il studi e la carriera. La CPSC sustegna en la tscherna da professiun, da studi u en la concepziun da la carriera ed accumpogna en la planisaziun da l'avegnir professiunal.
Per il 1. d'avrigl u tenor cunvegna tschertgain nus per 6 fin 12 mais ina praticanta u in praticant per in praticum preliminar u cumplementar al studi da Bachelor u Master of Advanced Studies en Information Science.
Voss champ d'incumbensas
- Administrar las bancas da datas en il sectur da las purschidas da scolaziun e da furmaziun supplementara
- Elavurar e repassar documentaziuns fisicas e digitalas en connex cun la tscherna da professiun e da studi sco er cun la planisaziun da la carriera
- Sustegnair l'administraziun da la pagina d'internet
- Sustegnair il team Infurmaziun e documentaziun tar las ulteriuras lavurs che resultan en las incumbensas da mintgadi
- Sustegnair la partiziun en lavurs administrativas
Quai che nus giavischain da Vus
- Furmaziun professiunala da basa terminada, scola mercantila, scola media spezialisada u maturitad gimnasiala
- Fitg bunas enconuschientschas da la IT (programs dad Office, cumplettà en cas ideal cun experientschas da sistems da content management)
- Moda da lavurar independenta, structurada sco er exacta e speditiva
- Abilitad da lavurar en in team e flexibilitad
- Fitg bunas enconuschientschas dal tudestg (a bucca ed en scrit)
- Enconuschientschas dal talian e dal rumantsch èn bainvegnidas
Nus ans legrain da Vossa annunzia online e da far Vossa enconuschientscha.