Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il sectur spezial Servetschs socials procura per prestaziuns che promovan l'integraziun sociala e professiunala, la participaziun sociala e la garanzia da l'existenza da famiglias, d'uffants e da giuvenils, da persunas cun dischavantatgs socials ed economics, da fugitivas e fugitivs sco er da persunas cun problems da dependenza. Ils nov servetschs socials regiunals ed ils servetschs socials spezialisads han var 100 collavuraturas e collavuraturs.
En la funcziun sco collavuratura u collavuratur da stab cooperais Vus stretgamain cun il manader dals Servetschs socials e gidais a sviluppar il sectur spezial. Vus pudais quintar cun ina incumbensa variada en in ambient engaschà che pretenda senn da responsabladad.
Per il stab Servetschs socials tschertgain nus per il 1. da zercladur 2026 u tenor cunvegna ina collavuratura scientifica u in collavuratur scientific (80–100 %).
Voss champ d'incumbensas
- Manar, planisar e realisar projects ed incumbensas concepziunalas
- Elavurar las basas da decisiun tecnicas sco er preparar las basas per dumondas politicas e tecnicas
- Actualisar rapports ed infurmaziuns sco er tgirar il management da datas
- Sviluppar vinavant la plattafurma existenta concernent il management da qualitad sco er ils audits che cumpiglian differents posts, far evaluaziuns sco er deducir e realisar propostas da meglieraziun
- Manar sco substituta u substitut sesidas spezialisadas
- Gidar a concepir, planisar e realisar dietas ed occurrenzas
- Collavurar cun diversas gruppas d'experts e d'interess internas ed externas
Quai che nus giavischain da Vus
- Diplom en scienzas socialas u en scienzas economicas ubain en ina direcziun cumparegliabla
- Experientscha en l'elavuraziun d'incumbensas interdisciplinaras cumplexas ed en lavurs concepziunalas
- Fitg bunas abilitads communicativas e bun spiert da team, cumbinà cun ina gronda independenza e cun in pensar transdisciplinar e cumplessiv
- Bun dun receptiv e chapientscha segira da process e d'andaments politics
- Conscienza da qualitad, enconuschientschas da l'informatica e dun organisatoric
- Plaschair da contacts, independenza, abilitad da supportar squitsch e da lavurar en in team, fidadadad, lavur orientada a soluziuns
- Bunas enconuschientschas da las linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.