Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il 1. da zercladur 2026 u tenor cunvegna tschertgain nus ina collavuratura scientifica u in collavuratur scientific per la partiziun Promoziun da la cultura tar l'Uffizi da cultura.
Voss champ d'incumbensas
- Elavurar dumondas inoltradas en scrit e per telefon pertutgant la promoziun da la cultura
- Examinar independentamain dumondas inoltradas ed elavurar propostas
- Controllar la realisaziun da projects ed il preventiv a la fin dals projects sco er activar pajaments
- Valitar e controllar cunvegnas da prestaziun, preventivs, rapports da gestiun e programs da lavur da quellas instituziuns culturalas che survegnan contribuziuns regularas sco er elavurar las propostas respectivas
- Manar l'actuariat da la Cumissiun da cultura
- Persuna responsabla per reglar las contribuziuns a las scolas da chant e da musica sco er a las bibliotecas
- Elavurar basas da decisiun, concepts, posiziuns, consultaziuns e rapports
Quai che nus giavischain da Vus
- Diplom da scola auta u scolaziun equivalenta
- Bunas enconuschientschas da la cuntrada culturala grischuna èn d'avantatg
- Pensar structurà e dun organisatoric
- Grond senn per qualitad, abilitad da lavurar en in team e fidadadad
- Moda da lavurar independenta ed en atgna responsabladad
- Expressiun segira en tudestg, fitg bunas enconuschientschas dal tudestg a bucca ed en scrit, enconuschientschas dal rumantsch e dal talian èn d'avantatg
Nus ans legrain da Vossa annunzia online e da far Vossa enconuschientscha.