Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Ils ultims onns ha il Museum d'art dal Grischun survegnì in caracter da model en il mund cultural dal Grischun e da la Svizra. Grazia a sia gronda attracziun internaziunala noda il museum mintg'onn dapli visitadras e visitaders. L'onn 2025 è vegnì cuntanschì in nov record d'entradas. Il museum sa cumpona da la Villa Planta e d'in tract nov modern ch'è vegnì inaugurà il 2016. La collecziun impressiunanta cun passa 8000 ovras cumpiglia ovras dal 18avel tschientaner fin al temp preschent. Mintg'onn han lieu diversas exposiziuns, occurrenzas ed intermediaziuns che duain promover da sa confruntar en moda cumplessiva e detagliada cun l'art. Il Museum d'art dal Grischun è il plaz da lavur da var 40 collavuraturas e collavuraturs. Purtaders dal museum èn il chantun Grischun (persunal ed infrastructura), l'Uniun grischuna d'art (exposiziuns ed occurrenzas) e la Fundaziun Collecziun grischuna d'art (collecziun).
Perquai ch'il directur artistic actual va en pensiun, tschertgain nus per il 1. d'avust 2027 u tenor cunvegna ina persunalitad persvadenta, che vegn a manar il Museum d'art dal Grischun, sco instituziun culturala impurtanta, vers l'avegnir.
Voss champ d'incumbensas
- Vus surpigliais la direcziun operativa dal museum e garantis l'organisaziun, reglais las finanzas e manais il persunal
- Vus avais la responsabladad per il program annual, realisais exposiziuns ed occurrenzas e guardais per la communicaziun, intermediaziun e lavur da publicitad respectiva
- Vus essas responsabla u responsabel per sviluppar, curatar e preschentar la collecziun
- Vus sviluppais strategias per l'acquisiziun, l'inclusiun e la participaziun dal public
- Vus promovais la collavuraziun persistenta cun scolas autas ed universitads
- Vus faschais part cun vusch consultativa da la suprastanza da l'Uniun grischuna d'art
- Vus manais las fatschentas da la Fundaziun Collecziun grischuna d'art
- Vus tgirais e rinforzais ina vasta rait naziunala ed internaziunala cun artistas ed artists, collecziunistas e collecziunists, fauturas e fauturs, emprestadras ed emprestaders, fundaziuns e politica ed autoritads
- Vus influenzais la percepziun en la publicitad e represchentais il museum vers anora
Quai che nus giavischain da Vus
- Vus avais terminà in studi universitar da scienzas d'art u ina scolaziun equivalenta
- Vus avais ina gronda experientscha da la lavur en in museum sco er experientscha professiunala e da direcziun da plirs onns
- Vus avais in'experientscha da plirs onns sco curatura u curatur d'exposiziuns e sco organisatura u organisatur da projects e d'interpresas
- Vus avais cumpetenzas professiunalas cumprovadas en l'art dal temp nov, modern e contemporan
- Vus As qualifitgais tras Vossas cumpetenzas persunalas exprimidas, Vossa abilitad excellenta da communitgar e da lavurar en in team sco er tras Vossa demananza suverana
- Vus promovais in bun clima en il manaschi
- Bunas enconuschientschas da pliras linguas chantunalas sco er da l'englais èn d'avantatg
Nus ans legrain da Vossa annunzia online e da far Vossa enconuschientscha.