Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia las quatter partiziuns Mesiras agriculas, Meglieraziuns da structura, Mesiraziun e Center da cumpetenza SIG sut il medem tetg.
En il ressort Construcziun auta da la partiziun Meglieraziuns da structura prestais Vus ina contribuziun essenziala per il svilup persistent dal territori rural. Voss champ d'incumbensas multifar cumpiglia la construcziun auta agricula, la promoziun d'abitaziuns e projects per il svilup regiunal. Vus accumpagnais la construcziun da stallas novas e la renovaziun da stallas existentas, sanaziuns d'alps e manaschis d'elavuraziun ed essas plinavant responsabla u responsabel per la sanaziun e la construcziun d'edifizis d'abitar en il territori da muntogna. Ultra da quai coordinais Vus la collavuraziun cun ils posts spezialisads chantunals e federals, cussegliais ils purtaders ed ils biros d'architectura e procurais per ina realisaziun professiunala dals projects. Vossa activitad porscha invistas interessantas da differents secturs spezialisads e da las regiuns multifaras dal Grischun.
Vus pudais quintar cun ina incumbensa che pretenda responsabladad e che dat in senn sco er cun curtas vias da decisiun, e tut quai en in team engaschà e cumpetent entaifer l'administraziun chantunala.
Sviluppai ensemen cun nus il futur persistent dal territori rural!
Per il ressort Construcziun auta tschertgain nus per immediat u tenor cunvegna ina manadra u in manader da project Construcziun auta agricula e promoziun d'abitaziuns.
Voss champ d'incumbensas
- Survegliar projects da construcziun auta en reguard tecnic, administrativ e finanzial
- Sustegnair patrunas e patruns da construcziun e biros da planisaziun
- Elavurar dumondas da contribuziuns
- Examinar dumondas da promoziun en il rom da la promoziun chantunala d'abitaziuns
- Collavurar en gruppas da lavur ed en gremis naziunals e chantunals, che han l'intent da sviluppar vinavant ils instruments da promoziun
Quai che nus giavischain da Vus
- Diplom d'ina scola auta u d'ina scola auta spezialisada en architectura, en agronomia u en ina direcziun da studi cumparegliabla, ubain ina scolaziun cuntinuanta terminada, p.ex. sco tecnicista u tecnicist da construcziun u sco agrotecnicista u agrotecnicist
- Buna communicaziun e demananza segira
- Moda da lavurar e da pensar structurada, concepziunala ed orientada a soluziuns
- Fitg buna orientaziun als servetschs, spiert da team, prontezza da s'engaschar ed atgna iniziativa
- Fitg bunas enconuschientschas dal tudestg, ulteriuras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.