Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns cuntinuantas, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e dal chantun Glaruna sco er d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Per il 1. d'avrigl 2026 u tenor cunvegna tschertgain nus ina persuna d'instrucziun per furmaziun generala, sport ed ambient da lavur ad 80–100 % u duas persunas d'instrucziun a mintgamai 40–50 %.
Voss champ d'incumbensas
- Instruir furmaziun generala (IFG), sport ed ambient da lavur en la furmaziun da basa sco er en ils curs da furmaziun cuntinuanta
- Collavurar e valitar la procedura da qualificaziun dad IFG e dad ambient da lavur
- Gidar a sviluppar vinavant ils roms «IFG» ed «ambient da lavur» a chaschun da la revisiun da la furmaziun da basa agricula e da la furmaziun superiura
- Collavurar en tut ils secturs da scola
Quai che nus giavischain da Vus
- Agronoma u agronom (bachelor u master) cun spezialisaziun en instrucziun e cussegliaziun u persuna d'instrucziun IFG (diplom d'instrucziun IFG) u prontezza da prender suenter questa scolaziun. D'avantatg avais Vus er qualificaziuns en sport, per instruir quest rom en uffizi accessoric
- Entusiassem per la lavur cun emprendistas ed emprendists e plaschair d'instruir; en il cas ideal avais Vus gia experientscha d'instrucziun
- Diever segir da las applicaziuns d'informatica usitadas e dals meds d'instrucziun digitals currents
- Persunalitad fidada e cuntenta ch'è abla da lavurar en in team e ch'è pronta da surpigliar responsabladad en tut ils secturs da scola
- La lingua da lavur generala è tudestg. Enconuschientschas d'ina ulteriura lingua chantunala èn d'avantatg
Nus ans legrain da Vossa annunzia online e da far Vossa enconuschientscha.