Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l'avegnir da l'administraziun chantunala dal Grischun.
Tecnicistas e tecnicists criminals sustegnan il scleriment da delicts. Las spezialistas ed ils spezialists da la tecnica criminala segireschan fastizs al lieu dal delict e documenteschan il maletg dals fastizs cun agid da proceduras modernas. Vus faschais il tractament dal servetsch d'identificaziun da persunas e nizzegiais metodas tecnicas e scientificas per la tschertga da fastizs, per la segirada da cumprovas e per l'evaluaziun. Uschia stgaffis Vus ina basa fidada per investigaziuns e per proceduras penalas. Questa basa po er vegnir duvrada davant dretgira.
Per rinforzar noss team tschertgain nus tenor cunvegna ina referendaria u referendari Tecnica criminala.
Voss champ d'incumbensas
- Cussegliar professiunalmain las forzas d'acziun en dumondas da la segirada da fastizs e da la lavur als lieus dals delicts
- Tschertgar e segirar fastizs en ils pli differents causals penals
- Applitgar la tecnica criminala als lieus dals delicts, inclusiv segirada da cumprovas e documentaziun
- Documentar fotograficamain lieus da delicts, persunas, accidents e fastizs
- Realisar mesiras dal servetsch d'identificaziun e lavurs d'identificaziun
- Evaluar fastizs ed analisar fastizs en il labor en ils secturs da la tecnica criminala classica e scientifica sco er valitar fastizs en reguard qualitativ
- Scriver rapports tecnic-criminals, metter en segirezza cumprovas che pon vegnir duvradas davant dretgira sco er preparar cumprovas materialas per autoritads d'investigaziun e d'inquisiziun
- Procurar ch'ils standards, las directivas e las prescripziuns giuridicas vegnian observads
- Sviluppar vinavant metodas, apparats e process da la tecnica criminala
- Far servetschs da pichet e da fin d'emna
Quai che nus giavischain da Vus
- Studi terminà en scienza forensica u en criminologia (Universitad da Losanna u scolaziun equivalenta) ubain certificat professiunal federal sco polizista u polizist cun experientscha professiunala tar la polizia criminala, da preferenza en il sectur da la tecnica criminala
- Prontezza d'absolver cuntinuadamain scolaziuns e perfecziunaments en il sectur da la tecnica criminala e da la forensica
- Fitg grond interess per la lavur tecnic-criminala e criminalistica
- Grond senn da responsabladad sco er tractament conscienzius da fastizs e da meds da cumprova, perquai ch'els èn savens unics e betg reproducibels
- Bunas enconuschientschas giuridicas sco er chapientscha per andaments processuals penals e per cundiziuns generalas giuridicas
- Moda da lavurar structurada, precisa ed independenta cun in fitg bun dun receptiv
- Fitg buna cumpetenza digitala sco er plaschair d'utilisar meds d'informatica ed apparats tecnics d'analisa e d'acziun
- Forza da persvader, flexibilitad e gronda abilitad da supportar squitsch psichic, en spezial en cas d'acziuns en lieus d'eveniments engrevgiants (p.ex. delicts chapitals, eveniments gronds, tractament da persunas defunctas)
Nus ans legrain da Vossa annunzia online e da far Vossa enconuschientscha.