Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco post spezialisà dal sectur da construcziun dal chantun Grischun tgira l'Uffizi da construcziun auta ils interess dal chantun sco proprietari d'immobiglias e/u sco patrun da construcziun ed è responsabel per tut las prestaziuns dal management d'immobiglias. Quai cumpiglia la structuraziun dal portfolio d'immobiglias, la planisaziun, la realisaziun e la gestiun d'immobiglias sco er cussegliaziuns.
Per il 1. d'avrigl 2026 u tenor cunvegna tschertgain nus ina manadra u in manader d'objects Facility services Regiuns.
Sco manadra u manader d'objects Facility services As spetgan in ambient da lavur avert a Cuira sco er en las regiuns, pussaivladads attractivas d'absolver furmaziuns supplementaras e spazi per la famiglia e per concepir il temp liber.
Voss champ d'incumbensas
- Garantir ina gronda disponibladad da l'infrastructura chantunala e dals edifizis chantunals sco er furnir ils servetschs necessaris en moda effizienta e senza incaps
- Surpigliar la responsabladad per la coordinaziun, la direcziun e la planisaziun dal persunal sco er per il rendaquint e la controlla da las lavurs da mantegniment e dals servetschs en connex cun la tgira d'objects en il portfolio attribuì
- Planisar e reglar incumbensas spezialas davart ils objects attribuids
- Sustegnair las tgiradras ed ils tgiraders d'objects en connex cun l'instrucziun e l'execuziun correcta da las lavurs da nettegiament e da tgira da las substanzas architectonicas sco er dals stabiliments al liber
- Sustegnair las tgiradras ed ils tgiraders d'objects a coordinar l'engaschament da purschiders da servetschs externs (p.ex. mastergnants, interpresas da nettegiament e.u.v.)
- Collavurar activamain tar la furniziun da servetschs e tar il meglierament permanent dals process existents
Quai che nus giavischain da Vus
- Scolaziun terminada en il sectur artisanal u tecnic
- Furmaziun supplementara sco manadra u manader da Facility management e maintenance (EPS) u prontezza d'absolver questa scolaziun
- Grond senn da responsabladad e da qualitad
- Prontezza d'agir en cas d'intervenziuns tecnicas
- In pensar cumplessiv sco er ina moda da lavurar independenta ed orientada a soluziuns
- Bunas enconuschientschas en l'applicaziun dal computer
Nus ans legrain da Vossa annunzia online e da far Vossa enconuschientscha.