Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il 1. da zercladur 2026 tschertgain nus per il Museum retic tar l'Uffizi da cultura ina collavuratura u in collavuratur per la recepziun e per la surveglianza cun responsabladad per la butietta.
Voss champ d'incumbensas
- Vus beneventais las visitadras ed ils visitaders dal Museum retic ed essas l'emprima persuna da contact per lur dumondas e giavischs.
- Vus avais la responsabladad per la cassa, vendais ils bigliets d'entrada e faschais las clusiuns dal di.
- Vus essas responsabla u responsabel per nossa pitschna, ma preziusa butia da museum.
- Cun turs da controlla procurais Vus per segirezza e per urden en il museum.
- Mintga auter glindesdi nettegiais Vus il museum ensemen cun il team.
- Vus gidais tar occurrenzas e sustegnais – en cas da basegn – il team dal museum cun lavurs d'assistenza pli pitschnas.
Quai che nus giavischain da Vus
- Orientaziun a la clientella e demananza curtaschaivla
- Fidadadad ed attenziun
- Flexibilitad e prontezza da lavurar durant duas fins d'emna per mais sco er da far mintgatant servetschs da saira
- Experientscha da vendita
- Enconuschientschas linguisticas, d'avantatg ina segunda lingua chantunala sco er englais
- Plaschair ed interess per l'istorgia e per la cultura grischuna
Nus ans legrain da Vossa annunzia online e da far Vossa enconuschientscha.