Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Scola chantunala grischuna è ina impurtanta instituziun da furmaziun cun ca. 1000 scolaras e scolars da tuttas trais linguas chantunalas. Sco partiziun da l'Uffizi per la furmaziun media-superiura porscha ella furmaziuns da scola media al gimnasi da lunga e da curta durada sco er a la scola media spezialisada, commerziala e d'informatica. Sco persuna d'instrucziun per scienzas da las religiuns instruis Vus scolaras e scolars dal gimnasi inferiur.
Per il 1. d'avust 2026 tschertgain nus per nossa scola ina persuna d'instrucziun per scienzas da las religiuns
Voss champ d'incumbensas
- Instruir il rom fundamental «religiun» al gimnasi inferiur. Il rom na cuntegna nagina instrucziun da religiun confessiunala, mabain tematisescha il svilup istoric da religiuns e lur funcziun per societads, gruppas ed individis
- Organisar e realisar emnas da project, occurrenzas da classa ed excursiuns en il team cun autras persunas d'instrucziun
- Surpigliar differentas lavurs entaifer la secziun
- Collavurar a projects da svilup da l'entira scola
Quai che nus giavischain da Vus
- Studi universitar terminà en il rom d'instrucziun «scienzas da las religiuns» sco er in diplom d'instrucziun per scolas da maturitad
- Experientscha d'instruir sin il stgalim secundar II sco er ina qualificaziun per in ulteriur rom èn d'avantatg
- Persunalitad flexibla ed iniziativa ch'è abla da lavurar en in team e che lavura gugent cun persunas giuvnas. Ultra da quai giavischain nus ina persuna communicativa che surpiglia responsabladad e che s'engascha gugent en la vita da scola
- Sco persuna d'instrucziun a la scola trilingua cumpletteschan enconuschientschas da las ulteriuras linguas chantunalas Voss profil
Nus ans legrain da Vossa annunzia online e da far Vossa enconuschientscha.