Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Victualias segiras da la stalla fin sin il plat – quai è la devisa da noss uffizi. Mo sche nus procurain per il bain da noss animals da niz, pon resultar da quai victualias segiras.
Per l'Uffizi per la segirezza da victualias e per la sanadad d'animals tschertgain nus per il 1. d'avrigl 2026 u tenor cunvegna ina referendaria u in referendari per l'administraziun Sanadad dals animals.
Tes champ d'incumbensas
- Sustegnair ils posts da servetsch Epidemias d'animals e Servetsch veterinar public en tut ils fatgs administrativs.
- Ti lavuras en in team e surpiglias lavurs administrativas multifaras e pretensiusas. Latiers tutgan ina correspundenza segira, la preparaziun da disposiziuns ed il servetsch da telefon.
- Ti tgiras in stretg contact cun las veterinarias ed ils veterinaris uffizials e pratitgants sco er cun la clientella dal sectur agricul e da la branscha ch'elavura charn.
Quai giavischain nus da tai
- Scolaziun commerziala da basa terminada ed experientscha professiunala
- Moda da lavurar independenta, fidada ed exacta
- Bun dun receptiv, particularmain en connex cun il diever da differentas applicaziuns dad IT
- Fitg bunas enconuschientschas dal tudestg a bucca ed en scrit sco er bunas enconuschientschas dal talian a bucca
- Abilitad da lavurar en in team ed en moda effizienta, flexibladad, abilitad da supportar squitsch ed enconuschientschas rudimentaras da la medischina veterinara, agricultura e producziun da charn
Nus ans legrain da Vossa annunzia online e da far Vossa enconuschientscha.