Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun.
Per la APUC Grischun tschertgain nus per il 1. d'avrigl 2026 u tenor cunvegna ina manadra u in manader Finanzas, controlling e servetschs (jobsharing pussaivel).
Voss champ d'incumbensas
- Manar il secretariat da la APUC Grischun
- Liquidar lavurs administrativas multifaras (tranter auter en il sectur da finanzas e da persunal dal post da servetsch)
- Organisar e manar il protocol da sesidas da la direcziun
- Manar e survegliar las finanzas e la contabilitad (quint annual, controlling, preventiv, plan da finanzas, facturaziun, exequir il traffic da finanzas cun l'administraziun da finanzas, controlla da finanzas e.u.v.)
- Realisar il sistem da controlla intern (SCI)
- Servetsch da support en dumondas da finanzas per las filialas da la APUC
- Reporting da la APUC per mauns da la direcziun u da posts externs
- Tgirar la pagina d'internet da la APUC ed organisar occurrenzas
- Responsabladad u collavuraziun a projects (p.ex. concepir da nov la structura da documents)
- Surpigliar autras incumbensas tenor l'ordinaziun dal post superiur sco er sustegnair ils post superiur
- ICT poweruser dal post da servetsch (first level support)
Quai che nus giavischain da Vus
- Scolaziun professiunala cun diplom spezialisà en il sectur commerzial u scolaziun equivalenta e furmaziun professiunala superiura u scola spezialisada superiura
- Enconuschientschas da manar in secretariat (administraziun e contabilitad)
- Experientscha professiunala da plirs onns en il sectur da finanzas
- Fitg bunas enconuschientschas en l'utilisaziun dal computer
- Moda da lavurar analitica e fitg bunas abilitads da s'exprimer a bucca ed en scrit (tudestg)
- Fitg grond senn da responsabladad sco er moda da lavurar exacta ed independenta
- Persunalitad cun in bun dun receptiv, ch'è abla da lavurar en in team e ch'è fitg orientada als servetschs
Nus ans legrain da Vossa annunzia online e da far Vossa enconuschientscha.