Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per il 1. da zercladur 2026 u tenor cunvegna tschertgain nus ina persunalitad engaschada che rinforza noss team en il stab da l'inschigner chantunal. Vus collavurais stretgamain cun la manadra Communicaziun. En questa funcziun multifara sustegnais Vus la communicaziun interna ed externa da l'Uffizi da construcziun bassa, e quai tant en moda operativa sco er concepziunala.
Voss champ d'incumbensas
- Redacziun: Scriver, rediger e lecturar texts per diversas publicaziuns (pagina d'internet, intranet, communicaziuns a las medias, magazins)
- Web & Digital: Tgirar il cuntegn e la tecnica da la pagina d'internet e da l'intranet sco er social media
- Concepziun: Garantir l'observaziun dal corporate design sur tut ils meds da communicaziun dal UCB
- Communicaziun: Accumpagnar projects dal UCB areguard la communicaziun
- Events: Sustegnair la planisaziun e la realisaziun d'occurrenzas internas ed externas
- Concept e strategia: Sustegnair l'elavuraziun e l'ulteriur svilup d'ina rait da communicaziun
- Lavur da medias: Substituir la manadra Communicaziun (coordinar e respunder en scrit dumondas da las medias)
Quai che nus giavischain da Vus
- Scolaziun da basa AFQ en il sectur creativ, medial u communicativ (p.ex. mediamatica, grafica, interactive media design, poligrafia)
- Furmaziun supplementara specifica en il sectur da redacziun, text, communicaziun, lavur da publicitad u sumeglianta
- Plaschair da scriver e concepir cuntegns da communicaziun confurm a las gruppas en mira
- Abilitad da preparar en moda chapaivla cuntegns cumplexs tecnics u specifics
- Chapientscha fundamentala per la communicaziun strategica e per la lavur da publicitad
- Moda da lavurar exacta, independenta e fidada
- Excellentas abilitads communicativas (tudestg) a bucca ed en scrit
- Ir enturn en moda suverana cun ils programs relevants dad Adobe (InDesign, Photoshop, Illustrator)
- Bunas enconuschientschas en l'applicaziun dal computer (Microsoft Office)
- La lingua da lavur generala è tudestg. Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.