Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da guaud e privels da la natira dal Grischun (UGP) è il post spezialisà dal chantun per il guaud e per la protecziun da persunas, spazis da viver ed infrastructuras cunter privels da la natira. Nus analisain process da privels, sviluppain strategias da protecziun innovativas ed accumpagnain vischnancas durant la planisaziun e la realisaziun da mesiras efficazias. Cun cumpetenza professiunala, soluziuns persistentas ed ina ferma rait gidain nus a segirar a lunga vista la segirezza e la qualitad da viver en il chantun Grischun.
Nus tschertgain per il 1. da zercladur 2026 u tenor cunvegnaina referendaria u in referendari Privels da la natiraper sustegnair ils spezialists regiunals Privels da la natira.
Tes champ d'incumbensas
- Sustegnair ils spezialists Privels da la natira en las regiuns Signuradi/Partenz/Tavau e Surselva davent da planisar e concepir il giudicament dals privels sur prender posiziun tar dumondas da construcziun e proceduras d'examinaziun fin a realisar expertisas e projects per mauns da la Cumissiun da privel u da la planisaziun da cas d'urgenza en il senn da la prevenziun
- Elavurar independentamain tschertas incumbensas specificas per objects u projects e giudicaments da privels en ils process dals privels da la natira lavinas, crudadas, bovas u aua
- Preparar e participar ad inspecziuns da la Cumissiun da privel, protocollar ils resultats per mauns da la Cumissiun da privel ed elavurar ils plans da la Cumissiun da privel
- Sustegnair ils spezialists Privels da la natira sco er las inschigneras forestalas regiunalas ed ils inschigners forestals regiunals en connex cun la superaziun d'eveniments chaschunads da privels da la natira
- Gidar las inschigneras forestalas regiunalas ed ils inschigners forestals regiunals a registrar ed a controllar ils eveniments en il cataster d'eveniments
Quai giavischain nus da tai
- Ina scolaziun superiura (SPF, Uni, SAS u SSS) ubain ina scolaziun equivalenta che correspunda al profil da la plazza
- Enconuschientschas profundas dal sectur privels da la natira ed ArcSIG
- Ina persunalitad engaschada e fidada che lavura a favur dal team
- La lingua da lavur generala è tudestg; bunas enconuschientschas da pliras linguas chantunalas èn d'avantatg
Sin quai pos ti ta legrar
- Ina incumbensa cun senn che ha in connex direct cun il management integral da las ristgas tar privels da la natira, la natira e la tecnica
- Lavurar en moda independenta en in team engaschà e colleghial
- Libertad creativa e pussaivladads da svilup
- Cundiziuns da lavur modernas
Nus ans legrain da tia annunzia online e d'emprender d'enconuscher tai.