Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus noss posts da servetsch cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
Il servetsch da clientella dad IT è exact tia chaussa! Nus sco Uffizi d'informatica tschertgain perquai per immediat u tenor cunvegna ina supportra u in supporter ICT per la plazza da lavur digitala (M365).
Tes champ d'incumbensas
- Ti has la cunresponsabladad per l'installaziun, il manaschi ed il mantegniment da la plazza da lavur digitala sin basa dad M365
- Ti cusseglias e sustegnas nossa clientella
- Ti elavuras annunzias da disturbis en il support dal segund nivel e documenteschas quellas en il sistem dal service management dad IT
- Ti collavuras tar l'introducziun, la migraziun ed ils updates d'applicaziuns spezialisadas
Quai giavischain nus da tai
- Ina scolaziun u furmaziun supplementara en informatica u plirs onns experientscha en il support dal segund nivel dals products actuals da Microsoft
- Enconuschientschas fundadas dal manaschi da sistems da Microsoft Client
- Ferma orientaziun als clients ed als servetschs, atgna iniziativa, buna perseveranza
- Ina moda da lavurar structurada, orientada al team ed a las soluziuns
- Bunas enconuschientschas a bucca ed en scrit dal tudestg
Nus ans legrain da tia annunzia online e d'emprender d'enconuscher tai.