Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Museum da la natira dal Grischun infurmescha sco in da trais museums chantunals dal Grischun davart la natira indigena. Mintg'onn visitan bler dapli che 30 000 giasts nossas exposiziuns e profitan da la purschida multifara da visitas guidadas, referats, curs ed excursiuns. Il team cumpiglia var 25 collavuraturas e collavuraturs cun blers champs d'incumbensas. Per pussibilitar senza incaps il manaschi dal museum e las bleras activitads èsi er fitg impurtant d'avair in'administraziun professiunala dal persunal e da las finanzas sco er in'applicaziun segira dal computer e da la IT.
Perquai che la titulara actuala da la plazza va proximamain en pensiun, tschertgain nus per il 1. da fanadur 2026 u tenor cunvegna ina manadra u in manader Administraziun.
Voss champ d'incumbensas
- Organisar e manar en moda independenta il secretariat, incl. archivar las actas da fatschenta (GEVER) sco er far servetsch da posta, dad e-mail e da telefon
- Manar las collavuraturas ed ils collavuraturs da l'administraziun e da la recepziun
- Elavurar e manar il preventiv en collavuraziun cun la direcziun dal museum
- Survegliar las directivas dal preventiv e la facturaziun, manar il workflow dals crediturs
- Administrar il persunal
- Organisar sesidas ed occurrenzas (vernissaschas, Sonda lunga etc.)
- Power user
Quai che nus giavischain da Vus
- Scolaziun en il sectur commerzial (emprendissadi da commerzi, scola commerziala u maturitad professiunala) cun vasta furmaziun supplementara u plirs onns experientscha professiunala en HR e finanzas
- Fitg bunas enconuschientschas en l'utilisaziun dal computer (MS Office) e da la IT sco er in bun dun receptiv e la prontezza da lavurar cun novs tools
- Fitg gronda cumpetenza sociala sco er abilitad ed experientscha da manar persunal
- Plaschair da lavurar en in team
- Dun organisatoric, moda speditiva, independenta ed exacta, abilitad da supportar squitsch e flexibilitad
- Expressiun segira en tudestg, enconuschientschas d'ina ulteriura lingua chantunala èn d'avantatg
- Interess per museums e per temas da la natira
Nus ans legrain da Vossa annunzia online e da far Vossa enconuschientscha.