Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Servetsch psicologic da scola dal Grischun è ina partiziun da l'Uffizi per la scola populara ed il sport. Nus sustegnain uffants e giuvenils en lur svilup psichic, cognitiv e social durant lur via da furmaziun. Vus faschais part d'in pitschen team ed As participais als perfecziunaments ed a la supervisiun ch'il Servetsch psicologic da scola porscha internamain per sustegnair las collavuraturas ed ils collavuraturs.
Nus tschertgain per il cumenzament da mars 2026 u tenor cunvegna ina psicologa u in psicolog da scola per 6 mais (substituziun durant in congedi da maternitad).
Voss champ d'incumbensas
- Cussegliaziun da scola e d'educaziun per geniturs, per persunas d'instrucziun e per direcziuns da scola
- Scleriment e cussegliaziun en cas d'uffants e da giuvenils cun problems d'emprender, da cumportament e da svilup
- Recumandaziun ed intermediaziun da mesiras da promoziun
- Accumpagnament psicologic e pedagogic d'uffants e da giuvenils
- Collavuraziun cun auters posts spezialisads e cun autoritads
Quai che nus giavischain da Vus
- Master en psicologia (universitad u scola auta spezialisada)
- Persunalitad independenta, communicativa ed engaschada
- Experientscha professiunala sco psicologa u psicolog da scola
Nus ans legrain da Vossa annunzia online e da far Vossa enconuschientscha.