Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per la concessiun e la retratga da permissiuns, per la collocaziun e l'assistenza, per l'execuziun d'expulsiuns sco er per l'integraziun. Plinavant vegnan emess documents d'identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l'Uffizi da migraziun e da dretg civil è a Cuira.
Per rinforzar noss team tschertgain nus per il 1. da mars 2026 u tenor cunvegna ina persunalitad engaschada, multifara cun senn da responsabladad, che sustegna la direcziun da l'uffizi en reguard administrativ e surpiglia la responsabladad per il persunal da l'uffizi.
Voss champ d'incumbensas
- Sustegn administrativ ed organisatoric da la direcziun da l'uffizi (en spezial coordinaziun da termins, administraziun da fatschentas, organisaziun da sesidas e protocollaziun etc.)
- Funcziun da coordinaziun tranter la direcziun da l'uffizi, las direcziuns dals secturs e las collavuraturas ed ils collavuraturs
- Planisaziun, coordinaziun e realisaziun d'occurrenzas internas ed externas
- Administraziun dal persunal (entradas, extradas, mutaziuns, statisticas da persunal, attestats etc.)
- Sustegn tar process da HR sco recrutaziun, introducziun e svilup dal persunal
- Assistenza e cussegliaziun da las collavuraturas e dals collavuraturs en dumondas administrativas da persunal
- Responsabladad per andaments administrativs en il sectur acquisiziun, crediturs e sustegn tar la budgetaziun
Quai che nus giavischain da Vus
- Furmaziun commerziala da basa terminada (AFQ) u scolaziun equivalenta
- Plirs onns experientscha professiunala en ina funcziun sumeglianta, en il cas ideal cun incumbensas da HR u d'assistenza da direcziun
- Furmaziun supplementara u affinitad en ils fatgs da persunal e/u en il management da projects
- Fitg bunas enconuschientschas en l'applicaziun dal computer (Microsoft Office ed applicaziuns spezialisadas)
- Expressiun segira en tudestg a bucca ed en scrit, enconuschientschas d'ulteriuras linguas uffizialas èn d'avantatg
- Persunalitad discreta, structurada ed orientada als servetschs, cun in grond senn da responsabladad e dun organisatoric
Nus ans legrain da Vossa annunzia online e da far Vossa enconuschientscha.