Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Segirezza en il Grischun, per las abitantas ed ils abitants, per ils giasts da vacanzas, per las participantas ed ils participants da congress sco er per passantas e passants, quietezza ed urden per tuttas e tuts. Per quai procuran las polizistas chantunalas ed ils polizists chantunals. Di e notg, onn per onn, da tutt'aura, sin las vias dals pass e sin las autostradas, en la citad ed en la champagna, sin las muntognas e giu en las vals. Dapertut ed adina èn ellas ed els pronts per porscher agid, per surpigliar acziuns da salvament, per far retschertgas, per cumbatter la criminalitad e per prender mesiras da prevenziun. Adina stat l'uman en il center. En il rom da la strategia «Kapo GR 2025+» vegn il focus mess sin la promoziun ed il svilup da las collavuraturas e dals collavuraturs, sin in'organisaziun orientada al futur sco er sin l'optimaziun permanenta dals process centrals.
Perquai ch'il titular actual da la plazza va en pensiun, tschertgain nus per il 1. d'avrigl 2027 u tenor cunvegna ina nova cumandanta u in nov cumandant da polizia. En questa funcziun surpigliais Vus la responsabladad generala per la Polizia chantunala, nua ch'i vala da chattar vias progressivas per dumagnar las sfidas actualas da la polizia – saja quai en la direcziun, en la prevenziun u en la digitalisaziun. Questa funcziun è suttamessa directamain al schef dal departament.
Voss champ d'incumbensas
- Manar l'uffizi en reguard strategic, organisatoric e dal persunal
- Elavurar e realisar finamiras strategicas ed operativas dal servetsch da polizia
- Represchentar l'uffizi vers anora (cumpetenzas cumplessivas da disponer e da suttascriver en il champ da cumpetenza da l'uffizi)
- Stretga collavuraziun operativa cun partenaris sin plaun internaziunal, federal, chantunal e communal
- Manar il Stab directiv da polizia en cas d'eveniments spezials en situaziuns extraordinarias
- Surpigliar la responsabladad per l'execuziun da la legislaziun federala e chantunala entaifer il champ da cumpetenza
Quai che nus giavischain da Vus
- Fitg bunas abilitads communicativas, ina gronda cumpetenza sociala, bunas enconuschientschas da metodas da direcziun e da management modernas, bunas enconuschientschas da l'economia da manaschi sco er ina demananza segira
- Diplom da scola auta (master) u in'autra scolaziun superiura sco er ina furmaziun supplementara en il sectur da leadership
- Vasta experientscha professiunala en posiziuns directivas tar la polizia u tar l'administraziun publica
- Experientscha da manar projects cumplexs
- Affinitad digitala sco er pensar en vista al futur
- Enconuschientschas d'ina autra lingua chantunala èn d'avantatg
Nus ans legrain da Vossa annunzia online e da far Vossa enconuschientscha.