Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Cazas Tignez ha circa 110 collavuraturas e collavuraturs e dispona da 150 plazs da detenziun per l'execuziun serrada. Var 100 da quests plazs èn per l'execuziun normala, 10 per la partiziun d'entrada, 28 per l'execuziun speziala e 12 per l'arrest d'inquisiziun.
Nus tschertgain tenor cunvegna ina referendaria u in referendari per il Servetsch social.
Voss champ d'incumbensas
- Sustegnair las lavureras socialas ed ils lavurers socials en champs administrativs sco er surpigliar la funcziun da coordinar ils termins
- Far scleriments concernent la surpigliada da custs da sanadad e concernent ulteriuras fatschentas da las assicuranzas socialas (LAMal, LAA, AVS e.u.v)
- Liquidar incumbensas generalas d'elavuraziun specifica
- Elavurar ed administrar documents per il Servetsch social
- Collavurar interdisciplinarmain cun autoritads da collocaziun, cun uffizis socials, cun uffizis da migraziun sco er cun assicuranzas socialas
- Cooperar en gruppas da lavur internas
- Cooperar a lavurs administrativas en connex cun la preparaziun d'entradas e da relaschadas
Quai che nus giavischain da Vus
- Scolaziun commerziala u equivalenta sco er plirs onns experientscha professiunala
- Da preferenza experientscha en ils fatgs d'assicuranza sociala
- Plaschair dal contact e da relaziuns cun diversas gruppas en mira
- Persunalitad orientada als servetschs, engaschada ed independenta cun bunas abilitads communicativas e cun dun organisatoric
- Buna expressiun a bucca ed en scrit sco er enconuschientschas a bucca dal franzos, da l'englais u dal talian
- Applicaziun segira da Microsoft Office
- Ina conduita irreproschabla
Nus ans legrain da Vossa annunzia online e da far Vossa enconuschientscha.