Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la valitaziun d'immobiglias (UVI) fa las valitaziuns uffizialas da bains immobigliars en il chantun, e quai en sis lieus.
Questas valitaziuns vegnan communitgadas a las proprietarias ed als proprietaris. Plinavant vegnan las datas utilisadas pli tard da las autoritads fiscalas chantunalas e communalas, da l'Assicuranza d'edifizis dal Grischun sco er dals uffizis dal register funsil. Las valitaziuns da revisiun che vegnan fatgas vischnanca per vischnanca han lieu mintga 10 onns. Ultra da quai pon las proprietarias ed ils proprietaris dumandar da tut temp ina valitaziun.
Per il 1. d'avrigl 2026 u tenor cunvegna tschertgain nus ina persuna motivada sco referendaria u referendari per noss biro a Cuira.
Voss champ d'incumbensas
- Manar projects dal sectur informatica, sistem da valitaziun e digitalisaziun
- Analisar disturbis e sbagls sco er coordinar tut las partidas involvidas a favur d'ina eliminaziun persistenta en connex cun il sistem da valitaziun
- Responsabladad per sviluppar vinavant ed eliminar problems en connex cun il sistem da valitaziun
- Manar tests ed implementar change requests resp. releases
- Coordinar process ed interfatschas intern ed extern
- Elavurar, actualisar, tgirar ed administrar las documentaziuns
- Planisar e realisar scolaziuns
- Collavurar a l'optimaziun da l'organisaziun e da process, resguardond las prescripziuns legalas
Quai che nus giavischain da Vus
- Scolaziun tecnica u commerziala terminada
- Experientscha da manar projects / management da projects (IT / digitalisaziun)
- Fitg buna cumpetenza processuala ed organisatorica
- Fitg bunas cumpetenzas da communitgar e da coordinar
- Moda da lavurar structurada ed autonoma
- Persunalitad orientada als servetschs ed a las soluziuns cun abilitad da lavurar en in team, prontezza a l'acziun ed atgna iniziativa
Nus ans legrain da Vossa annunzia online e da far Vossa enconuschientscha.