Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da chatscha e pestga (UCP) è tranter auter cumpetent per las populaziuns da peschs e da giombers sco er per lur spazis da viver. Ultra da la protecziun e dals ecosistems aquatics definescha il UCP er las cundiziuns generalas per l'utilisaziun persistenta da las populaziuns da peschs.
Sco collavuratura academica u collavuratur academic da la partiziun Pestga essas Vus tranter auter responsabel per l'accumpagnament professiunal resp. da pestga per projects da revitalisaziun surordinads, ma er per la planisaziun e realisaziun independenta da mesiras pli pitschnas per meglierar il spazi da viver en il sectur aquatic. Ultra da quai purschais Vus in sustegn professiunal en connex cun dumondas da pestga cumplexas en il rom da projects da planisaziun e da construcziun. Plinavant avais Vus la responsabladad principala per tut la statistica da pestga e sustegnais ils survegliaders da pestga en dumondas da la biologia e da l'economia da pestga. La collavuraziun professiunala cun las partiziuns da l'uffizi e cun auters posts da servetsch chantunals, cun organisaziuns d'ambient sco er cun ulteriurs represchentants d'interess è d'ina impurtanza centrala. Ultra da quai represchentais Vus ils interess da la pestga en gremis che sa refereschan a projects ed al rom. Voss lieu da lavur principal è da preferenza a Cuira ed en cas da lavur al lieu en ils districts da pestga respectivs.
Cumenzament da la lavur previs: immediatamain u tenor cunvegna
Voss champ d'incumbensas
- Planisar, accumpagnar e realisar mesiras per meglierar il spazi da viver en il sectur aquatic
- Surpigliar la responsabladad processuala en il sectur da la statistica da pestga
- Responsabladad processuala per giudicaments da las auas e da las populaziuns da peschs, incl. evaluaziun tenor MSK
- Iniziar, manar e realisar studis e projects da pestga
- Elavurar datas e far rapports
Quai che nus giavischain da Vus
- Scolaziun en scienzas natiralas ad ina scola auta spezialisada u ad in'universitad ubain scolaziun professiunala pratica cun accent sin biologia da pestga e/u sin ecologia da las auas
- In ferm pensar ecologic cun enconuschientschas approfundadas ed experientscha en il sectur dal management da pestga
- Enconuschientschas praticas da la correcziun dals curs d'aua (revitalisaziun d'auas currentas)
- Bunas enconuschientschas da statistica ed experientscha en il management da datas
- Buna expressiun en scrit ed a bucca per tudestg e da preferenza er per talian
- Abilitad receptiva e d'emprender
- Dun da contractar e da preschentar
- Moda da lavurar premurusa, flexibla, independenta sco er orientada a las finamiras
Nus ans legrain da Vossa annunzia online e da far Vossa enconuschientscha.