Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per il traffic sin via è cumpetent per admetter al traffic vehichels, bartgas sco er manischunzas e manischunzs, ed er per controllar periodicamain vehichels e bartgas, per relaschar mesiras administrativas cunter manischunzas e manischunzs fallibels sco er per imponer ed incassar taglias da traffic.
Per l'Uffizi per il traffic sin via / Departament da giustia, segirezza e sanadad tschertgain nus per il 1. d'avrigl 2026 u tenor cunvegna ina referendaria u in referendari per il sectur Admissiuns al traffic
Voss champ d'incumbensas
- Elavurar specificamain ed en moda autonoma las incumbensas dal sectur specific admissiuns da persunas e da vehichels al traffic sin via
- Liquidar lavurs administrativas multifaras
- Elavurar dumondas inoltradas da nossa clientella en scrit ed al telefon
- Cussegliar persunalmain nossa clientella al spurtegl
Quai che nus giavischain da Vus
- Ina scolaziun commerziala terminada u ina qualificaziun cumparegliabla
- Plaschair dal contact cun la clientella ed in bun sensori per ir enturn cun persunas
- In stil segir dal tudestg en scrit ed a bucca
- Fitg bunas abilitads da lavurar en in team e flexibilitad
- Utilisaziun segira dals meds d'informatica usitads
- Bunas enconuschientschas dal talian èn giavischadas
Nus ans legrain da Vossa annunzia online e da far Vossa enconuschientscha.