Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per l'Uffizi da mediaziun e per l'Autoritad da mediaziun per dumondas da locaziun Plessur tschertgain nus per il 1. da mars 2026u tenor cunvegna ina manadra u in manader da la chanzlia.
Voss champ d'incumbensas
- Administrar cumplettamain ils cas (elavurar la posta, controllar ils termins ed ils custs, far correspundenza generala cun las partidas, cun las advocatas ed ils advocats sco er cun las autoritads e.u.v.) cun rediger independentamain diversas correspundenzas e disposiziuns processualdirectivas
- Organisar ed elavurar posteriuramain tractativas d'intermediaziun e da mediaziun
- Esser la persuna per contacts da tut gener al telefon, en furma electronica ed en scrit
- Manar statisticas necessarias, administrar il material da biro e.u.v.
Quai che nus giavischain da Vus
- Scolaziun fundamentala da commerzi terminada
- En il cas ideal experientscha professiunala tar ina dretgira, en in'advocatura u tar l'administraziun publica
- Fitg bunas enconuschientschas dal tudestg
- Moda da lavurar structurada, prospectiva, independenta e precisa
- Persunalitad fidada, da buna luna ed empatica
Nus ans legrain da Vossa annunzia online e da far Vossa enconuschientscha.