Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia las quatter partiziuns Mesiras agriculas, Meglieraziuns da structura, Mesiraziun e Center da cumpetenza SIG.
La partiziun Mesiras agriculas è cumpetenta per exequir la legislaziun relevanta per l'agricultura che sa basa sin la politica agrara da la Confederaziun.
En il ressort Surfatschas/ecologia surpigliais Vus las lavurs en ils secturs biodiversitad e qualitad da la cuntrada, sustegnais l'ulteriur svilup dals projects da qualitad da la cuntrada e da colliaziun ed essas persuna da contact per dumondas da manaschis agriculs e da persunas incumbensadas externas.
Nus As purschain ina incumbensa variada e da gronda responsabladad tar l'administraziun chantunala. Vus lavurais en in team cumpetent e motivà, che tgira ina cultura d'interpresa orientada als servetschs ed a las finamiras e cun curtas vias da decisiun.
Per il ressort Surfatschas/ecologia en la partiziun Mesiras agriculas tschertgain nus per il 1. avrigl 2026 u tenor cunvegna ina persuna motivada sco referendaria u referendari per biodiversitad e qualitad da la cuntrada (70 %).
Voss champ d'incumbensas
- Collavurar a l'execuziun dals pajaments directs a l'agricultura en ils secturs biodiversitad e qualitad da la cuntrada
- Furnir infurmaziuns per dumondas da manaschis agriculs
- Endatar datas sco er administrar ils contracts da cultivaziun ed ils rendaquints dals pajaments directs per ils manaschis agriculs ed ils manaschis d'alpegiada
- Sustegnair las lavurs quotidianas en il ressort, inclusiv incumbensas tecnicas sco l'applicaziun dal SIG (ArcGIS)
- Sustegnair la scolaziun specifica ed accumpagnar las persunas incumbensadas externas
- Sustegnair l'ulteriur svilup da process interns en ils secturs da la biodiversitad e da la qualitad da la cuntrada, inclusiv lur realisaziun tecnica
Quai che nus giavischain da Vus
- Ina scolaziun da basa agricula cun furmaziun supplementara specifica (agrotecnicist SAS) u emprendissadi terminà sco commerzianta u commerziant AFQ cun in connex agricul u studi terminà da scola auta spezialisada en ils secturs agronomia, ambient u sumegliant
- Interess per ils secturs tematics biodiversitad, contacts e qualitad da la cuntrada en il context d'agricultura
- Fitg buna abilitad da lavurar en in team e da communitgar sco er orientaziun a la clientella
- Fitg bunas enconuschientschas d'utilisar il computer, flair fundamental per incumbensas tecnicas (p.ex. SIG, preparaziun da datas)
- Independenza, exactadad, atgna iniziativa e talent organisatoric
- Fidadadad e gronda prontezza da s'engaschar
- Expressiun segira en tudestg a bucca ed en scrit, enconuschientschas d'autras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.