ㅤ
La Scola auta da pedagogia dal Grischun (SAPGR) è ina scola auta da dretg public che vegn purtada dal chantun. Cun var 140 collavuraturas e collavuraturs sco er cun var 520 studentas e students en ils studis da bachelor e da master accumpogna ella persunas d'instrucziun en tut las fasas da lur carriera professiunala. La purschida da furmaziun cumpiglia studis da bachelor per la scolina e per la scola primara sco er studis da master, scolaziuns da certificat e scolaziuns supplementaras spezialisadas en tudestg, rumantsch e talian. La SAPGR è l'unica scola auta trilinga da la Svizra. Ils puncts centrals da la perscrutaziun en il sectur da scola èn dumondas dals secturs «plurilinguitad», «scola e MINT» e «pedagogia».
Per la SAPGR tschertgain nus per il 1. da fanadur 2026 duas commembras u dus commembers per il cussegl da scola auta.
Voss champ d'incumbensas
- Il cussegl da scola auta è l'organ strategic da direcziun e da controlla da la SAPGR e vegn elegì da la Regenza dal chantun Grischun. Pervia da la limitaziun dal temp d'uffizi ston vegnir occupads per il 1. da fanadur 2026 dus sezs en uffizi accessoric per la perioda electorala 2026–2030.
Quai che nus giavischain da Vus
- Sco persunalitad integra e persvadenta cun qualificaziun academica savais Vus – sco commembra u commember d'in gremi – concepir ed accumpagnar en moda cumpetenta ed efficazia la direcziun strategica sco er process pretensius da svilup e d'innovaziun da la SAPGR.
- Cun ina buna abilitad da communitgar e cun in pensar strategic sco er cun ina moda da lavurar flexibla ed interdisciplinara ch'è orientada als process, As reusseschi da promover il dialog avert sco er da concepir process da midament en il cussegl da scola auta en moda precauta e cunvegnenta.
- Vus enconuschais las purschidas da furmaziun e la politica da furmaziun sin plaun chantunal sco er naziunal. Sin fundament da Voss profil enconuschais Vus la purschida da la scolaziun da persunas d'instrucziun sin tut ils stgalims da furmaziun ed avais la sensibilitad politica necessaria per temas da furmaziun actuals. Vus avais cumpetenzas cumprovadas e fundadas per gidar la SAPGR a dumagnar las sfidas actualas e futuras ch'èn relevantas per la furmaziun en il chantun Grischun triling. Vus enconuschais ils andaments politics en il chantun.
- Sco persunalitad engaschada ch'è colliada cun il chantun Grischun contribuis Vus en moda decisiva tant a la collavuraziun sin plaun interchantunal sco er entaifer il chantun ed a la colliaziun da l'instituziun cun acturs e cun partenaris da la pratica regiunals relevants. Bunas enconuschientschas da pliras linguas chantunalas èn d'avantatg.
Nus ans legrain da Vossa annunzia online e da far Vossa enconuschientscha.