ㅤ
La Scola auta spezialisada dal Grischun (SASGR) è ina scola auta da dretg public che vegn purtada dal chantun. Cun var 350 collavuraturas e collavuraturs e bundant 2000 studentas e students en ils studis da bachelor e da master sco er cun 450 studentas e students en ils curs da la furmaziun supplementara academica porscha ella ina instrucziun orientada a la pratica, perscrutaziun applitgada e servetschs en ils secturs spezials economia e servetschs, tecnica ed IT sco er architectura, construcziun e planisaziun. Sias purschidas da studi s'orienteschan a las sfidas actualas da l'economia e da la societad. Sco scola auta francada en la regiun, che ha ina impurtanza naziunala ed in'attracziun internaziunala, contribuescha ella activamain al success ed a la cumpetitivitad da las persunas, da las instituziuns e da las regiuns.
Per la SASGR tschertgain nus per il 1. da fanadur 2026 ina presidenta u in president dal cussegl da scola auta.
Voss champ d'incumbensas
- Il cussegl da scola auta è l'organ strategic da direcziun e da controlla da la Scola auta spezialisada e vegn elegì da la Regenza dal chantun Grischun. Per il 1. da fanadur 2026 sto vegnir occupada da nov la direcziun en uffizi accessoric da l'organ directiv suprem per la perioda electorala 2026–2030.
Quai che nus giavischain da Vus
- Sco persunalitad directiva integra e persvadenta cun qualificaziun academica savais Vus – sco part d'in gremi – concepir ed accumpagnar cun vista globala en moda cumpetenta ed efficazia la direcziun strategica sco er process pretensius da svilup e d'innovaziun entaifer la SASGR.
- Cun ina buna abilitad da communitgar e cun in pensar strategic sco er cun ina moda da lavurar flexibla ed interdisciplinara ch'è orientada als process, As reusseschi d'integrar gruppas en mira multifaras, da promover il dialog avert sco er da moderar process da midament en moda precauta e cunvegnenta.
- Vus enconuschais la cuntrada da furmaziun e da scolas autas da la Svizra, la purschida da las scolaziuns professiunalas e terziaras e disponis da la sensibilitad politica necessaria per temas da la furmaziun sin plaun chantunal e naziunal, per exempel en la politica da perscrutaziun u d'innovaziun ubain en secturs da furmaziun vischins. Vus avais ina chapientscha (speziala) cumprovada e fundada per las sfidas actualas da la SASGR. Vus enconuschais ils andaments politics en il chantun Grischun. Per promover la cumposiziun cumplementara dal cussegl da scola auta èn d'avantatg enconuschientschas approfundadas dal sectur da la giurisprudenza.
- Sco persunalitad engaschada ch'è colliada cun il chantun Grischun contribuis Vus en moda decisiva tant a la collavuraziun sin plaun interchantunal sco er entaifer il chantun ed a la colliaziun da l'instituziun cun acturs e cun partenaris da la pratica regiunals relevants.
Nus ans legrain da Vossa annunzia online e da far Vossa enconuschientscha.