Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il 1. da favrer 2026 u tenor cunvegna tschertgain nus ina praticanta u in praticant (60–100 %) per il Museum da la natira dal Grischun tar l'Uffizi da cultura.
Voss champ d'incumbensas
- Gidar a far differentas lavurs da collecziun (tranter auter inscriver ed emballar objects, inventarisar, far endataziuns electronicas)
- Rediger artitgels davart objects d'exposiziun e crear posters tematics
- Gidar tar lavurs d'exposiziun, tranter auter concepir vitrinas tematicas, incl. scriver texts e far inscripziuns
- Far lavurs da retschertga davart temas specifics
- Far lavurs d'erbari, tranter auter elavurar cumprovas d'erbaris, incl. preparaziun e reordinaziun
- Collavurar al servetsch d'infurmaziun per las visitadras ed ils visitaders
- Cooperar a la transmissiun da la gnivaziun da randurels pitschens cun agid d'ina camera da gnieu
- Sustegnair las visitas guidadas per classas da scola da tut ils stgalims
Quai che nus giavischain da Vus
- Diplom en ina direcziun da studi da las scienzas natiralas BSc / MSc (universitad, scola auta spezialisada)
- Moda da lavurar fidada e – suenter ina instrucziun – independenta
- Abilitad da lavurar en in team
- Buna expressiun en scrit per tudestg
- Enconuschientschas d'ina ulteriura lingua uffiziala chantunala (talian u rumantsch) èn bainvegnidas
Nus ans legrain da Vossa annunzia online e da far Vossa enconuschientscha.