Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il 1. da favrer 2026 u tenor cunvegna tschertgain nus per la Biblioteca chantunala tar l'Uffizi da cultura ina spezialista u in spezialist d'infurmaziun e da documentaziun Cataloghisaziun.
Voss champ d'incumbensas
- Cataloghisar formalmain e tenor cuntegn medias acquistadas da nov
- Elavurar l'effectiv da medias veglias
- Tgirar in sectur spezial: tscherner medias en tut las trais linguas chantunalas.
Quai che nus giavischain da Vus
- In studi en scienzas d'infurmaziun (SAS/universitad) u ina scolaziun equivalenta
- Experientscha da plirs onns da cataloghisar differents tips da medias tenor las reglas da cataloghisar RDA
- Experientscha cun il sistem da biblioteca «Alma»
- Moda da lavurar independenta ed organisada, engaschi ed iniziativa, abilitad da lavurar en in team
- Buna expressiun en tudestg, enconuschientschas da basa (passiv) talian e/u rumantsch
Nus ans legrain da Vossa annunzia online e da far Vossa enconuschientscha.