L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia las quatter partiziuns Mesiras agriculas, Meglieraziuns da structura, Mesiraziun e Center da cumpetenza SIG.
La partiziun Meglieraziuns da structura presta ina contribuziun essenziala al svilup persistent dal territori rural. Ses spectrum d'incumbensas multifar na cumpiglia betg mo la construcziun auta agricula e la promoziun d'abitaziuns, mabain er mesiras da construcziun bassa e projects per il svilup regiunal. Las collavuraturas ed ils collavuraturs dal ressort construcziun bassa accumpognan meglieraziuns generalas, renovaziuns da vias da transport, provediments d'aua sin alps e provediments d'electricitad, pendicularas da material e restabiliments d'implants d'infrastructura suenter eveniments da la natira.
Vus survegliais l'execuziun correcta da quests projects, essas la persuna da contact centrala per ils posts spezialisads dal chantun e da la Confederaziun, cussegliais ils patruns da construcziun ed ils biros d'inschigneria ed essas l'emprima adressa per dumondas dal dretg da procedura.
Nus As purschain ina incumbensa variada e da gronda responsabladad tar l'administraziun chantunala. Vus lavurais en in team motivà che dat paisa a curtas vias da decisiun, a la cumpetenza professiunala ed ad ina moda da lavurar orientada a las finamiras ed als servetschs.
Sviluppai ensemen cun nus in futur persistent dal territori rural!
Per il ressort Construcziun bassa tschertgain nus per il 1. da favrer 2026 u tenor cunvegna ina manadra u in manader da project Construcziun bassa agricula.