Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns cuntinuantas, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e dal chantun Glaruna sco er d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Nus tschertgain per immediat u tenor cunvegna ina collavuratura u in collavuratur per la recepziun
Voss champ d'incumbensas
- Sustegnair a la recepziun da la clientella/centrala da telefon e tar lavurs administrativas
- Assister nossa clientella a la recepziun/al spurtegl
- Coordinar ils termins per il center da dietas
- Administrar las reservaziuns fin al check-in/check-out da giasts alloschads
- Reparter la posta che entra
Quai che nus giavischain da Vus
- Scolaziun commerziala da basa terminada, en il cas ideal cumplettà cun experientscha en l'hotellaria
- Bunas enconuschientschas d'ir enturn cun software d'hotel u da cudeschaziun
- Fitg bunas abilitads da lavurar en in team, fidadadad e plaschair dal contact cun giasts
- Moda da lavurar independenta, structurada ed orientada a soluziuns
- La lingua da lavur generala è tudestg. Enconuschientschas d'ina ulteriura lingua chantunala èn d'avantatg
Nus ans legrain da Vossa annunzia online e da far Vossa enconuschientscha.