Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la natira e l'ambient (UNA) è in post da servetsch dal Departament d'educaziun, cultura e protecziun da l'ambient e cumpiglia las tschintg partiziuns Natira e cuntrada, Protecziun tecnica e manaschiala da l'ambient, Aua sutterrana ed aua d'abitadis, Coordinaziun da proceduras sco er Servetschs centrals. Nossas collavuraturas e noss collavuraturs han in barat regular cun gruppas en mira internas ed externas sco er cun posts spezialisads da la Confederaziun e d'auters chantuns.
En la funcziun sco manadra u manader suttastais Vus directamain al schef dal departament. Vus surpigliais ina incumbensa da gronda responsabladad, cun la quala Vus purschais – ensemen cun in team engaschà – servetschs efficazis a favur da las resursas natiralas, da la populaziun e da l'economia. Vus concepis activamain, faschais valair Vossa expertisa e chattais in ambient che sustegna la collavuraziun, la professiunalitad e l'ulteriur svilup.
Per il 1. da schaner 2027 u tenor cunvegna tschertgain nus ina manadra u in manader da l'Uffizi per la natira e l'ambient.
Voss champ d'incumbensas
- Surpigliar la responsabladad generala per manar l'uffizi sin plaun organisatoric, persunal e finanzial
- Realisar en moda strategica il dretg da l'ambient, da la protecziun da las auas, da la natira e da la patria
- Cussegliar en moda professiunala la Regenza en dumondas centralas concernent l'ambient
- Realisar in management da qualitad e da l'ulteriur svilup dals servetschs
- Manar e collavurar cun las manadras ed ils manaders da las partiziuns (ca. 50 collavuraturas e collavuraturs)
- Represchentar il UNA en gremis spezialisads, en cumissiuns ed en raits interchantunalas
Quai che nus giavischain da Vus
- Diplom da scola auta en il sectur da las scienzas natiralas sco er enconuschientschas specificas e fundadas da l'ambient
- Experientscha da manar, da collavurar e da sviluppar teams
- Enconuschientschas approfundadas dal dretg d'ambient sco er da proceduras da planisaziun e da permissiun
- Chapientscha da pensar e da lavurar en moda analitica, sistemica ed orientada a soluziuns
- Gronda cumpetenza da communitgar, da crear raits e d'ir enturn cun las differentas represchentanzas d‘interess
- Sensibilitad per connexs economics, socials e politics
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.