Duas collavuraturas giuridicas u collavuraturs giuridics

Secretariat dal Departament da giustia, segirezza e sanadad | 40–90 % (totalmain 130 %) | Cuira

S'annunziar online
Lavurar là, nua che auters fan vacanzas.
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada.
Il Departament da giustia, segirezza e sanadad è il pli grond departament dal chantun Grischun. El ademplescha incumbensas multifaras per la populaziun grischuna. Al departament appartegnan otg posts da servetsch sco er il Secretariat dal departament. Il Secretariat dal departament è il post da stab dal departament. El sustegna il schef dal departament en la direcziun dal departament sco er en dumondas da gestiun, da communicaziun e da publicitad. 

Per il 1. da mars 2026 u tenor cunvegna tschertgain nus duas collavuraturas giuridicas u collavuraturs giuridics per noss servetsch giuridic.

Tes champ d'incumbensas

  • Elavurar en moda independenta recurs administrativs en ils secturs da dretg da l'execuziun giudiziala, da las persunas estras, dal traffic sin via e da la sanadad
  • Cussegliar e sustegnair il departament en dumondas giuridicas
  • Cussegliar e sustegnair ils posts da servetsch dal departament en dumondas giuridicas
  • Elavurar propostas per mauns da la Regenza
  • Respunder e giuditgar dumondas giuridicas cumplexas 

Tias cumpetenzas

  • Studi da scola auta en giurisprudenza terminà
  • Experientscha professiunala en l'administraziun publica, tar ina dretgira u en in'advocatura
  • Enconuschientschas dal dretg public èn d'avantatg
  • Bun dun receptiv, abilitad da supportar squitsch e da lavurar en in team, atgna iniziativa
  • Moda da lavurar independenta, orientada als servetschs ed a las soluziuns
  • Abilitads communicativas
  • Expressiun excellenta en scrit ed a bucca per tudestg
  • Enconuschientschas dal rumantsch e dal talian èn giavischadas

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Secretariat dal departament DGSS
Hofgraben 5
7000 Cuira
Per dumondas stat lic. iur. Gabriella Bieber, manadra dal Servetsch giuridic, telefon 081 257 25 19, gabriella.bieber@djsg.gr.ch, gugent a tia disposiziun.

Termin d'annunzia: 18 da december 2025
Sche ti has quaida da collavurar en in team colleghial ed en in ambient da lavur captivant, ans legrain nus da tia annunzia online e d'emprender d'enconuscher tai.
S'annunziar online