Collavuratura u collavuratur per il servetsch giuridic/actuariat (durada limitada)

Autoritad per la protecziun d'uffants e da creschids dal Grischun | 80 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun. 

Per la APUC Grischun, filiala Grischun dal Nord, tschertgain nus per il 1. da mars 2026 fin ils 31 d'october 2026 – sco substituziun durant in congedi da maternitad – ina giurista u in giurist ubain ina persuna spezialisada cun experientscha professiunala en il sectur da la protecziun d'uffants e da creschids ed en la redacziun da decisiuns correspundentas.

Voss champ d'incumbensas

  • Activitad d'actuariat per mauns da l'autoritad
  • Protocollaziun d'audiziuns
  • En cas da basegn elavuraziun autonoma da las proceduras attribuidas en il sectur da la protecziun d'uffants e da creschids

Quai che nus giavischain da Vus

  • Da preferenza diplom universitar en giurisprudenza (licenziat, MLaw u BLaw) u experientscha professiunala en il sectur da la protecziun d'uffants e da creschids
  • Ina persunalitad independenta e flexibla ch'è abla da supportar squitsch, che ha in pensar cumplessiv ed ina gronda capacitad d'emprender
  • Fitg buna expressiun en scrit ed a bucca en tudestg, enconuschientschas da linguas estras èn d'avantatg
  • Moda da lavurar premurusa, effizienta e precisa
  • Gronda prontezza da prestar servetschs ed abilitad da lavurar en in team en il servetsch interdisciplinar
  • Gronda cumpetenza sociala ed empatia envers persunas en situaziuns da vita difficilas

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Autoritad da protecziun d'uffants e da creschids
Gäuggelistrasse 1
7001 Cuira
Per dumondas stat Ursina Hoffmann, manadra Servetsch giuridic da la APUC Grischun dal Nord, gugent a Vossa disposiziun sut il numer da telefon 081 257 49 70.

Termin d'annunzia: 12 da december 2025
Nus ans legrain da Vossa annunzia online e da far Vossa enconuschientscha.
S'annunziar online