Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.
Ti procuras ch'il guaud grischun
- possia proteger ils umans, ils animals e l'infrastructura,
- saja il spazi da viver da bleras differentas spezias d'animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
Per il 1. da zercladur 2026 u tenor cunvegna tschertgain nus ina referendaria u in referendari per il sectur Avertura (80–100 %; jobsharing pussaivel).
Tes champ d'incumbensas
- Manar il project collectiv chantunal Reparaziun da l'avertura
- Examinar e giuditgar projects d'avertura ed exequir las proceduras d'approvaziun respectivas
- Realisar las mesiras da construcziun en il rom dal Concept da prevenziun cunter incendis da guaud 2030
- Surpigliar projectaziuns, direcziuns da projects e da construcziun sco er elavurar basas tecnicas
- Cooperar activamain a la concepziun ed a l'ulteriur svilup dal cataster chantunal d'avertura dal guaud
- Collavurar cun las spezialistas ed ils spezialists d'avertura regiunals, cun posts spezialisads dal chantun e da la Confederaziun sco er cun ulteriurs partenaris
Quai spetgain nus da tai
- Inschignera u inschigner forestal u da construcziun SPF u SAS ubain ina scolaziun equivalenta en ils secturs da construcziun, da selvicultura u da l'ambient
- Experientscha professiunala en il sectur da construcziun e dal management da projects
- Bunas enconuschientschas dal SIG e da la IT
- Persuna iniziativa, fidada ed orientada al team
- La lingua da lavur generala è tudestg; bunas enconuschientschas da pliras linguas chantunalas èn d'avantatg
Sin quai pos ti ta legrar
- Ina incumbensa signifitganta che ha in connex direct cun la construcziun, la natira e la tecnica
- Lavurar en moda independenta en in team engaschà e colleghial
- Libertad creativa e pussaivladads da svilup
- Cundiziuns da lavur modernas en il center da Cuira
En paucs pleds: Ti cumbineschas il know-how tecnic cun senn per persistenza e gidas a concepir cun nus l'infrastructura dal guaud grischun da damaun.
Nus ans legrain da Vossa annunzia online e da far Vossa enconuschientscha.