Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun.
Nus tschertgain per la nova plazza en la APUC Grischun, filiala Grischun dal Nord, tenor cunvegna ina manadra u in manader dals servetschs da sustegn / ina commembra u in commember da la APUC.
Voss champ d'incumbensas
- Manar en reguard persunal, professiunal ed organisatoric ils servetschs da sustegn servetsch da scleriment, administraziun, servetsch giuridic e revisurat (4 manadras e manaders da team suttamess directamain e tut en tut 20 collavuraturas e collavuraturs)
- Substituir il manader da la filiala (tranter auter en la direcziun da la APUC Grischun)
- Collavurar activamain tar l'ulteriur svilup da l'organisaziun existenta, dals standards specifics e da la pratica giuridica applitgada
- Elavurar decisiuns entaifer il collegi giuditgant interdisciplinar e surpigliar la cunresponsabladad per ordinar e per adattar las mesiras da la protecziun d'uffants e da creschids
- Manar las proceduras attribuidas sco er rediger ed elavurar las decisiuns respectivas
- Far agens scleriments e surdar incumbensas da scleriment
- Tadlar persunalmain persunas che basegnan protecziun ed ulteriuras persunas participadas
- Cussegliar ed accumpagnar procuraturas e procuraturs
- Collavurar cun vischnancas e cun instituziuns e posts spezialisads externs
Quai che nus giavischain da Vus
- Diplom d'ina universitad, d'ina scola auta u d'ina scolaziun equivalenta en il sectur da giurisprudenza
- Persunalitad directiva versada che procura per in sentiment da colliaziun ed ha fitg bunas cumpetenzas communicativas e socialas sco er ina gronda conscienza per las differentas rollas
- Experientscha professiunala da plirs onns en la lavur sociala legala, da preferenza en il sectur da la protecziun d'uffants e da persunas creschidas d'ina APUC u d'ina curatella professiunala, tar ina dretgira u tar ina procura per giuvenils
- Fitg bunas abilitads da s'exprimer a bucca ed en scrit (tudestg)
- Grond plaschair da lavurar en in team e fitg gronda orientaziun als servetschs
- Flexibilitad, ina gronda abilitad da supportar squitsch e forza da decider er en situaziuns difficilas
- Ina moda da lavurar exacta ed independenta sco er in grond senn da responsabladad
- Bunas enconuschientschas en l'applicaziun dad Office
- Prontezza da far servetsch da pichet
- Permiss da manischar da la categoria B
Nus ans legrain da Vossa annunzia online e da far Vossa enconuschientscha.