Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l'avegnir da l'administraziun chantunala dal Grischun.
Las Ovras electricas dal Rain posteriur SA (OERP) e las Ovras electricas Zervreila SA (OEZ) èn organisadas sco ovras partenarias.Il chantun Grischun è participà cun 12 pertschient a las OERP e cun 12,6 pertschient a las OEZ.
La Regenza dal chantun Grischun ha il dretg da suttametter al cussegl d'administraziun per mauns da la radunanza generala da las OERP e da las OEZ ina proposta electorala per sa participar al cussegl d'administraziun da la societad (represchentanza dal chantun).