Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il 1. da mars 2026 u tenor cunvegna tschertgain nus ina praticanta u in praticant per la partiziun Tgira da monuments tar l'Uffizi da cultura.
Voss champ d'incumbensas
- Prender invista da la cussegliaziun da construcziun e dal sustegn tar projects subvenziunads
- Collavurar tar l'Inventari chantunal dals edifizis (relevaziuns champestras, evaluaziun da la litteratura, archivaziun da maletgs, endataziuns da bancas da datas)
- Far retschertgas davart inventaris d'edifizis pli detagliads per mauns da fatschentas da cussegliaziun da construcziun currentas
- Evaluar sistematicamain la litteratura secundara ed inventaris parzials existents
- Prender invista da las activitads da la planisaziun dal territori ord vista da la Tgira da monuments
- Tgirar contacts cun differentas autoritads, posts spezialisads sco er patrunas e patruns da construcziun
Quai che nus giavischain da Vus
- Istoricra d'art u istoricher d'art, architecta u architect, istoricra u istoricher ubain geografa u geograf cun studi terminà ubain studenta u student da la direcziun da studi menziunada
- Enconuschientschas cumprovadas da las basas e da las expressiuns tecnicas da l'istorgia da l'architectura
- Enconuschientschas da la substanza architectonica en il chantun èn d'avantatg
- Buna expressiun en scrit per tudestg. Enconuschientschas d'ina ulteriura lingua chantunala (talian e/u rumantsch) èn bainvegnidas
- Engaschament, abilitad da lavurar en in team ed independenza locala
Nus ans legrain da Vossa annunzia online e da far Vossa enconuschientscha.