Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la valitaziun d'immobiglias fa las valitaziuns uffizialas dals bains immobigliars surbajegiads en il rom da revisiuns e da dumondas. El è organisà en moda decentrala en sis lieus. Las var 60 collavuraturas e collavuraturs sa barattan regularmain cun proprietarias e proprietaris, autoritads communalas e chantunalas, l'Assicuranza d'edifizis dal Grischun sco er ulteriuras gruppas en mira. Sco manadra u manader suttastais Vus directamain al schef dal departament. En questa funcziun pretensiusa As spetga in champ d'incumbensas varià, interessant e captivant, en il qual Vus furnis servetschs professiunals a favur da la populaziun, l'economia e las instituziuns.
Per il 1. da matg 2026 u tenor cunvegna tschertgain nus ina nova manadra u in nov manader da l'Uffizi per la valitaziun d'immobiglias.
Voss champ d'incumbensas
- Manar operativamain l'uffizi cun ils lieus a Cuira, Tavau, Glion, Samedan, Scuol, Tusaun sco er il stab
- Surpigliar responsabladad per realisar l'incumbensa legala cun il focus sin l'execuziun dad effizientas valitaziuns da revisiun e valitaziuns sin dumonda, ch'èn confurmas al martgà
- Sviluppar vinavant ils servetschs da l'uffizi cun focus sin la digitalisaziun e l'innovaziun
- Manar las proceduras da protesta
- Manar e realisar differents projects en il champ d'activitads
- Far in barat regular cun cumissiuns, gremis spezialisads ed ulteriuras gruppas en mira
Quai che nus giavischain da Vus
- Diplom da scola auta da preferenza en architectura u economia da manaschi sco er scolaziun da manar glieud u da management
- Vasta experientscha da manar persunas sco er furmaziun supplementara en il sectur d'immobiglias
- Fitg bunas abilitads communicativas, forza da prender decisiuns sco er gronda orientaziun als servetschs
- Pensar ed agir progressiv e strategic, en spezial per promover la digitalisaziun ed il change management
- Persunalitad simpatica ed empatica cun ina gronda cumpetenza sociala e demananza persvadenta
- Enconuschientschas dal talian e/u dal rumantsch èn d'avantatg
Nus ans legrain da Vossa annunzia online e da far Vossa enconuschientscha.