Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il 1. da schaner 2026 u tenor cunvegna tschertgain nus ina collavuratura u in collavuratur per il secretariat en il Museum d'art dal Grischun tar l'Uffizi da cultura.
Voss champ d'incumbensas
- Tgirar la centrala da telefon e surpigliar la responsabladad per il servetsch postal en il Museum d'art dal Grischun
- Tgirar la correspundenza e la communicaziun generala vers anen
- Organisar las dumondas directivas e coordinar quellas cun il team dal Museum d'art dal Grischun
- Surpigliar la responsabladad per las spediziuns dals stampats e dals catalogs
Quai che nus giavischain da Vus
- Scolaziun commerziala terminada ed experientscha da manar in secretariat
- Bunas enconuschientschas dad Office
- Ina demananza curtaschaivla ed amiaivla sco er discreziun
- Disada u disà da lavurar en moda independenta, flexibla, orientada a servetschs ed a soluziuns
- Interess per art e cultura
Nus ans legrain da Vossa annunzia online e da far Vossa enconuschientscha.