Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Cazas Tignez ha circa 110 collavuraturas e collavuraturs e dispona da 150 plazs da detenziun per l'execuziun serrada. Var 100 da quests plazs èn per l'execuziun normala, 10 per la partiziun d'entrada, 28 per l'execuziun speziala e 12 per l'arrest d'inquisiziun.
Per il 1. da december 2025 u tenor cunvegna tschertgain nusina scheffa u in schef da cuschina.
Voss champ d'incumbensas
- Surpigliar la responsabladad operativa ed organisatorica per la cuschina dal stabiliment sco er per la mensa dal persunal
- Garantir in andament effizient e senza incaps en il manaschi da cuschina da 7 dis mintgamai da las 6.00 fin las 18.00
- Manar, assister ed instruir las persunas collocadas, e quai tenor princips da l'accumpagnament socioprofessiunal (incl. qualificaziun, rapports e.u.v.)
- Promover las persunas collocadas en lur svilup professiunal e social
- Manar, promover e planisar l'engaschament da las collavuraturas e dals collavuraturs subordinads
- Far in plan da menus varià e saun
- Surpigliar la responsabladad per cumprar e per controllar la rauba sco er per la magasinaziun
- Preparar l'alimentaziun per las persunas collocadas sco er per las collavuraturas ed ils collavuraturs (var 550 pasts per di) incl. controllar la qualitad dals products
- Gidar a far il preventiv per il sectur specific
- Controllar e visar documents da furniziun e quints
- Porscher assistenza en connex cun la mensa dal persunal ed organisar occurrenzas sco er alimentar las visitadras ed ils visitaders e las gruppas
- Surpigliar la responsabladad per observar e per exequir las prescripziuns d'igiena, la Lescha da victualias e l'Ordinaziun da victualias sco er la segirezza a la lavur
- Collavurar stretgamain cun la cuschina d'elavuraziun da las victualias sco er cun la mazlaria dal Stabiliment giudizial Realta
Quai giavischain nus da Vus
- Emprendissadi terminà sco cuschiniera u cuschinier AFQ, la furmaziun professiunala superiura sco schefcuschiniera u schefcuschinier cun certificat professiunal federal è d'avantatg
- Experientscha professiunala da plirs onns sco schefcuschiniera u schefcuschinier ed experientscha da manar glieud
- Vus essas motivada u motivà d'instruir e d'assister persunas en lur mintgadi d'execuziun tenor princips da l'accumpagnament socioprofessiunal
- Persunalitad equilibrada e flexibla cun ina gronda cumpetenza sociala sco er cun l'abilitad da lavurar en in team e da supportar squitsch
- Fitg bunas enconuschientschas dal tudestg – enconuschientschas da linguas estras èn d'avantatg, bunas enconuschientschas da l'informatica sco er il permiss da manischar da la categoria B
- Prontezza d'absolver la scolaziun sco spezialista u spezialist per l'execuziun giudiziala
- Conduita irreproschabla (naginas inscripziuns en il register penal ed en il register da scussiun)
Nus ans legrain da Vossa annunzia online e da far Vossa enconuschientscha.