Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun.
Per il 1. da favrer 2026 u tenor cunvegna tschertgain nus ina collavuratura u in collavuratur per il revisurat da la APUC Grischun, filiala Engiadina/Vals dal sid.
Voss champ d'incumbensas
- Controllar independentamain inventaris, rapports da gestiun e administraziuns da la facultad da procuraturas e procuraturs professiunals e privats
- Giuditgar investiziuns da la facultad sco er preventivs inoltrads
- Guardar che prestaziuns d'assicuranza sajan vegnidas fatgas valair (en spezial tar cassas da malsauns e tar instituts d'assicuranza sociala)
- Scriver rapports da revisiun e d'examinaziun sco er sbozs da decisiuns per mauns da l'autoritad
- Cussegliar en moda cumpetenta procuraturas e procuraturs professiunals e privats sco er posts spezialisads interns en dumondas finanzialas ed en dumondas en connex cun l'inventarisaziun e cun la contabilitad
- Cooperar a l'inventarisaziun da las valurs da facultad da las persunas assistidas
Quai che nus giavischain da Vus
- Scolaziun da basa commerziala cun furmaziun supplementara en il sectur d'assicuranzas socialas, da fiduziaria e/u da finanzas e contabilitad (stgalim examen professiunal superiur, scola auta spezialisada u scolaziun equivalenta)
- Experientscha professiunala en il sectur da bancas, d'assicuranzas u da fiduziaria, en il cas ideal cun experientscha en la protecziun d'uffants e da creschids
- Interess e chapientscha per dumondas e connexs da la protecziun d'uffants e da creschids e bunas enconuschientschas dals fatgs d'assicuranza sociala, da l'administraziun da vaglias e da facultad sco er dals fatgs da taglia
- Enconuschientschas da basa dal dretg civil (CCS e DO)
- Prontezza da s'acquistar il know-how necessari e da sa perfecziunar en ils secturs relevants
- Moda da lavurar independenta, autonoma, exacta e pragmatica
- Abilitad da supportar squitsch, flexibilitad, discreziun ed in fitg bun teamplayer
- Fitg bunas enconuschientschas dal tudestg a bucca ed en scrit sco er da preferenza enconuschientschas dal talian
- Fitg bunas enconuschientschas en l'utilisaziun dal computer
- Gronda cumpetenza sociala ed empatia envers persunas en situaziuns da vita difficilas
Nus ans legrain da Vossa annunzia online e da far Vossa enconuschientscha.