Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Departament d'infrastructura, energia e mobilitad (DIEM) cumpiglia ils secturs: energia, forza idraulica, privels da la natira, traffic public, construcziun auta e bassa, acquisiziuns, guaud sco er chatscha, animals da rapina gronds e pestga. El è dividì en tschintg uffizis sco er en il Secretariat dal departament che porscha – sco organ da stab central – in vast sustegn a la scheffa dal departament tar la direcziun specifica e politica dal departament. Il Secretariat dal departament furnescha ses servetschs en il center administrativ «sinergia» en in ambient da lavur modern, avert e digital, directamain sper la staziun Cuira Vest. Ultra da quai exista la pussaivladad da lavurar parzialmain en il homeoffice.
Per il Secretariat dal departament tschertgain nus per il 1. da schaner 2026 u tenor cunvegna
ina secretaria u in secretari.
Voss champ d'incumbensas
- Liquidar la correspundenza e lavurs administrativas
- Sustegnair da liquidar fatschentas generalas dal departament
- Far lavurs finalas e trametter dumondas, rapports e posiziuns sco er missivas, intervenziuns parlamentaras, disposiziuns e relaschs giuridics
- Sustegnair la schliaziun da problems d'informatica en collavuraziun cun la referendaria d'informatica
- Manar l'agenda, preparar sesidas e planisar termins
- Procurar per il servetsch da telefon en il secretariat
- Liquidar la posta che entra sco er la spediziun da la posta
- Surpigliar autras incumbensas tenor las lavurs che resultan
Quai che nus giavischain da Vus
- Scolaziun commerziala terminada sco er experientscha professiunala da plirs onns
- Moda da lavurar structurada, prospectiva, independenta e precisa
- Persunalitad orientada als servetschs ed a soluziuns
- Abilitad da lavurar en in team, prontezza a l'acziun ed atgna iniziativa
- Discreziun
- Applicaziun segira da Microsoft Office
- Expressiun segira en tudestg a bucca ed en scrit, enconuschientschas d'ina ulteriura lingua chantunala èn d'avantatg
Nus ans legrain da Vossa annunzia online e da far Vossa enconuschientscha.