Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La partiziun Integraziun e dretgs da persunas cun impediments fa part da l'Uffizi chantunal dal servetsch social. Ella è cumpetenta per las purschidas da l'integraziun sociala e professiunala da persunas creschidas cun impediments sco er per l'egualitad da persunas cun impediments en il chantun Grischun. La partiziun coordinescha u triascha ils giavischs ed ils temas politics specifics per persunas cun impediments che pertutgan plirs departaments ed uffizis.
Per il 1. da zercladur 2026 u tenor cunvegna tschertgain nus ina manadra u in manader per la partiziun Integraziun e dretgs da persunas cun impediments.
Voss champ d'incumbensas
- Vus manais la partiziun Integraziun e dretgs da persunas cun impediments ed essas cumpetenta u cumpetent per exequir las finamiras da la politica da persunas cun impediments sco er las prescripziuns legalas dal chantun.
- Vus manais in team da spezialistas e spezialists sco er il Post da coordinaziun per l'egualitad da las persunas cun impediments e faschais part da la direcziun da l'Uffizi chantunal dal servetsch social.
- Vus avais la responsabladad per planisar, per conceder, per survegliar e per finanziar las purschidas staziunaras, parzialmain staziunaras ed ambulantas per persunas cun impediments.
- Ensemen cun il Post da coordinaziun per l'egualitad da las persunas cun impediments ed en collavuraziun cun ils posts da servetsch chantunals realisais Vus il plan da mesiras da la Regenza tar la Convenziun da l'ONU davart ils dretgs da las persunas cun impediments.
- Vus essas la persuna da contact per las instituziuns, per las organisaziuns e per las autoritads e faschais valair ils giavischs da las persunas cun impediments en l'administraziun chantunala.
- Ultra da quai elavurais Vus incaricas da prestaziun, rapports e posiziuns davart temas che pertutgan specificamain persunas cun impediments e tgirais la collavuraziun interchantunala.
Quai che nus giavischain da Vus
- Vus essas ina persunalitad cumpetenta e fidada che ha in diplom terziar en scienzas socialas u en scienzas economicas ubain ina scolaziun equivalenta.
- Vus avais experientscha da direcziun, in dun organisatoric e da contractar sco er plirs onns experientscha professiunala.
- Tar Vossas fermezzas tutgan fitg bunas abilitads communicativas, concepziunalas e redacziunalas.
- Vus avais l'abilitad da liquidar lavurs en moda interdisciplinara, avais in pensar cumplessiv ed enconuschientschas fundadas da l'informatica.
- Vus lavurais cun responsabladad sco er en moda independenta e constructiva. Vus essas abla u abel da supportar squitsch, da lavurar en in team e da schliar problematicas cumplexas.
- Enconuschientschas da las linguas chantunalas uffizialas èn giavischadas.
Nus ans legrain da Vossa annunzia online e da far Vossa enconuschientscha.