Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Tgi essan nus
Il Departament d'infrastructura, energia e mobilitad (DIEM) cumpiglia ils secturs: energia, forza idraulica, privels da la natira, traffic public, construcziun auta e bassa, acquisiziuns, guaud sco er chatscha, animals da rapina gronds e pestga. El è dividì en tschintg uffizis sco er en il Secretariat dal departament che porscha – sco organ da stab central – in vast sustegn a la scheffa dal departament tar la direcziun specifica e politica dal departament. Il Secretariat dal departament furnescha ses servetschs en il center administrativ «sinergia» en in ambient da lavur modern, avert e digital, directamain sper la staziun Cuira Vest. Ultra da quai exista la pussaivladad da lavurar parzialmain en il homeoffice.
Per il Secretariat dal departament dal DIEM tschertgain nus per immediat u tenor cunvegna ina giurista u in giurist.
Voss champ d'incumbensas
- Surpigliar incumbensas en connex cun la realisaziun da la Strategia chantunala da forza idraulica 2022–2050
- Participar e collavurar a tractativas davart il return dals implants a las concedantas resp. a projects da novs concessiunaments
- Elavurar dumondas giuridicas sco er preparar conclus da la Regenza concernent il return dals implants a las concedantas e concernent l'utilisaziun da l'energia da participaziun
- Cooperar a la redacziun da missivas, a la legislaziun sco er a las respostas d'intervenziuns parlamentaras en il sectur da la forza idraulica
Quai che nus giavischain da Vus
- Studi da scola auta en giurisprudenza, scolaziun supplementara è d'avantatg
- Experientscha en il dretg da las auas e da societads è giavischada u la prontezza da s'approfundar en quests champs giuridics
- Interess per dumondas da l'economia d'energia
- Interess per las relaziuns politicas en il Grischun
- Moda da lavurar analitica cumbinada cun in bun dun receptiv e plaschair da dumondas interdisciplinaras
- Gronda atgna motivaziun, iniziativa, abilitad da supportar squitsch ed abilitad da lavurar en in team
- Enconuschientschas excellentas dal tudestg vegnan premessas. Enconuschientschas dal talian e/u dal rumantsch èn giavischadas
Nus ans legrain da Vossa annunzia online e da far Vossa enconuschientscha.