Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
Sco center da cumpetenzas realisescha l'Uffizi da persunal incumbensas strategicas ed operativas da HR per l'entira administraziun chantunala dal Grischun e promova il chantun Grischun sco patrun attractiv e modern. Cun noss management da reabilitaziun vast e cumplessiv sustegnain nus collavuraturas e collavuraturs dal chantun Grischun ch'èn malsauns e che han gì in accident, quai en situaziuns medicinalas, professiunalas e socialas difficilas. La guariziun ed il return en il mintgadi professiunal e privat stattan tar nus en il center.
Vuls ti utilisar tias abilitads organisatoricas e communicativas en in context interdisciplinar, per cussegliar, accumpagnar e sustegnair las collavuraturas ed ils collavuraturs sco er il cader? Alura es ti la dretga persuna per nus! Per engrondir noss team tschertgain nus per immediat u tenor cunvegna ina cussegliadra u in cussegliader da persunal per il management da reabilitaziun.
Tes champ d'incumbensas
- Accumpagnar persunas cun restricziuns da la sanadad en il rom d'in case management
- Definir mesiras individualas
- Organisar e manar analisas da la situaziun cun las differentas persunas da contact
- Coordinar ils differents furniturs da prestaziuns medicinalas, las assicuranzas privatas e socialas ed autras instituziuns
- Garantir ina reintegraziun professiunala e sociala optimala da la persuna pertutgada
- Gidar ad organisar e participar a differents events tematics
Quai giavischain nus da tai
- Furmaziun supplementara terminada sco managera u manager da cas ubain spezialista u spezialist d'assicuranzas socialas cun certificat professiunal federal e/u furmaziun supplementara sumeglianta en ils secturs da las resursas umanas, dals fatgs da sanadad e d'assicuranzas
- Gronda cumpetenza sociala ed empatia envers persunas en situaziuns da vita difficilas, persunalitad fidabla
- Flexibilitad, ina gronda abilitad da supportar squitsch e da decider er en situaziuns difficilas
- Moda da lavurar independenta, exacta e structurada sco er in grond senn da responsabladad
- Plaschair da viagiar
- Fitg buna expressiun a bucca ed en scrit en tudestg, bunas enconuschientschas dal talian èn d'avantatg
- Affinitad digitala e bunas enconuschientschas dals programs da Microsoft Office
Nus ans legrain da tia annunzia online e d'emprender d'enconuscher tai.