Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per incumbensa da las vischnancas presta l'Uffizi chantunal dal servetsch social agid social persunal ed agid per persunas dependentas. Plinavant sustegna el persunas en connex cun l'access a l'agid social economic. Per quest intent maina el otg servetschs socials regiunals en las regiuns dal chantun.
Il servetsch social regiunal dal Grischun Central è responsabel per 25 vischnancas cun 23 000 abitantas ed abitants.
Pervia d'in pensiunament tschertgain nus per il 1. da favrer 2026 u tenor cunvegna ina manadra u in manader per la direcziun dal servetsch social regiunal dal Grischun Central a Tusaun. Ina co-direcziun è pussaivla. Ina surdada ordinada è garantida.
Voss champ d'incumbensas
- Manar in team da var 10 collavuraturas e collavuraturs
- Sustegnair las collavuraturas ed ils collavuraturs en situaziuns da cussegliaziun cumplexas
- Collavurar e tgirar contacts cun autoritads socialas (vischnancas) e cun posts spezialisads
- Cooperar al barat specific tranter ils servetschs socials e gidar a concepir ina pratica unitara per tut ils otg servetschs regiunals
- Cussegliar persunas singulas e famiglias en fatgs socials, e quai en moda orientada a soluziuns ed a resursas
- Procurar per l'access a las prestaziuns da las assicuranzas socialas sco er a l'agid social economic
- Cussegliar fugitivas e fugitivs renconuschids ed admess provisoricamain sco er persunas estras en dumondas da l'integraziun linguistica, professiunala e sociala
- Cussegliar persunas cun il status da protecziun S che abitan en alloschis individuals sco er calcular e decretar las prestaziuns da sustegn finanzialas
- Liquidar ulteriuras activitads multifaras, interessantas e da gronda responsabladad
Quai che nus giavischain da Vus
- Scolaziun terminada sco lavurera sociala u lavurer social BSc/SAS ubain diplom d'ina scolaziun cumparegliabla
- Experientscha da manar persunas, gronda cumpetenza sociala e da cussegliaziun sco er savida spezialisada en il dretg da l'agid social ed en il sectur da las assicuranzas socialas
- Plaschair da lavurar cun persunas da differenta derivanza sociala e/u culturala
- Plaschair da contacts, abilitad da supportar squitsch e da lavurar en in team, bunas abilitads communicativas, organisatoricas ed administrativas
- En il cas ideal bunas enconuschientschas da linguas estras
- Moda da lavurar independenta ed orientada a soluziuns
Nus ans legrain da Vossa annunzia online e da far Vossa enconuschientscha.