Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Tar l'Uffizi per economia e turissem (UET) As spetgan incumbensas multifaras che collian la politica, l'economia e la societad. Il sectur spezial Svilup regiunal è cumpetent per coordinar e per realisar differents programs da promoziun per il svilup da l'economia regiunala. El elavura dumondas da promoziun sco er projects da promoziun e gida a rinforzar las regiuns dal chantun Grischun sco spazis da viver e sco spazis economics attractivs.
Per il 1. da favrer 2026 u tenor cunvegna tschertgain nus per il sectur spezial Svilup regiunal ina manadra u in manader da project Svilup regiunal (80–100 %).
Voss champ d'incumbensas
- Vus essas la persuna da contact per ils programs da promoziun chantunals, en spezial per la Nova politica regiunala (NPR) ed il concept da promoziun per l'access a bindel ultralad.
- Vus elavurais dumondas da promoziun ed avais la responsabladad per il controlling da projects da promoziun e d'incaricas da prestaziun.
- Vus sustegnais la coordinaziun dal management regiunal ed accumpagnais en moda professiunala las sviluppadras ed ils sviluppaders regiunals.
- En collavuraziun cun la manadra dal sectur spezialisà surpigliais Vus la direcziun, l'ulteriur svilup ed il controlling da programs da promoziun sco er da strategias per rinforzar la cumpetitivitad dal chantun e da las regiuns.
- Vus sustegnais il team Svilup regiunal tar lavurs administrativas ed operativas en connex cun il svilup regiunal e cun la realisaziun da la politica regiunala.
Quai che nus giavischain da Vus
- Diplom d'ina scola auta u d'ina scola auta spezialisada, p.ex. en economia da manaschi u economia publica, geografia economica u svilup regiunal, en il cas ideal avais Vus experientscha professiunala
- Grond interess per connexs da l'economia publica sco er dals eveniments economics e politics dal chantun Grischun
- Stil segir en tudestg ed enconuschientschas d'ina ulteriura lingua chantunala
- Pensar analitic e strategic sco er experientscha en l'applicaziun da metodas e d'instruments dal management da projects
- Moda da lavurar structurada, exacta ed autonoma
- Gronda cumpetenza sociala, demananza segira ed abilitad en la communicaziun a bucca ed en scrit
Nus ans legrain da Vossa annunzia online e da far Vossa enconuschientscha.